- Details
- Category: Յուշատետր
Մարտ 11ին, 70 տարի առաջ, Հայաստանի անկախութեան եւ հայոց ազգային պետականութեան վերականգնման խորհրդանիշ դրօշը՝ անփոխարինելի Եռագոյնը իր արժանաւոր տեղը գտաւ Փարիզի Ինվալիտի աշխարհահռչակ Զինուորական Թանգարանին մէջ։
- Details
- Category: Յուշատետր
Մարտ 8ի այս օրը, 57 տարի առաջ, դաշնակցական մամուլը հայաշխարհին գուժեց, որ «Տապալեցաւ հաստաբուն կաղնին»։
Իր գործը անաւարտ թողած՝ հայոց աշխարհէն հեռացաւ յանդուգն եւ անվեհեր Ազատամարտիկի բացառիկ մարմնաւորումը՝ ԴՐՕ։
- Details
- Category: Յուշատետր
Մարտ 7ին, 127 տարի առաջ, աւելի քան մէկ տարի փակ մնալէ ետք, Թիֆլիսի հայկական վարժարանները վերաբացին իրենց դռները հայ աշակերտութեան առջեւ։
Ոչ միայն Թիֆլիսի մէջ, այլեւ Ցարական Կայսրութեան ամբողջ տարածքին, ընդհանրապէս Ամենայն Հայոց Կաթողիկոսութեան պատկանող հայկական բոլոր դպրոցները այդ օրերուն փակուած էին՝ ցարական իշխանութեանց գործադրած ռուսացման քաղաքականութեան հետեւանքով։
- Details
- Category: Յուշատետր
Այսօր՝ Մարտ 6ին կը լրանայ մահուան 108րդ տարելիցը մեծատաղանդ երաժիշտ Մակար Եկմալեանի, որ կը հանդիսանայ հայ ազգային երաժշտութեան ինքնուրոյն ոճին եւ բարձրարուեստ արժէքներուն արհեստավարժ մշակման ու կատարելագործման շարժումին անմահ յառաջապահներէն մէկը՝ Տիգրան Չուխաճեանի եւ Քրիստափոր Կարա-Մուրզայի հետ։
- Details
- Category: Յուշատետր
(Ծննդեան 140ամեակին առիթով)
Մարտ 5ի այս օրը մեր ժողովուրդը կը նշէ ծննդեան տարեդարձը հայ մտքի եւ գրականութեան հսկաներէն Թէոդիկի (Թէոտորոս Գրիգորի Լէպճինճեան), որ ապրեցաւ եւ գործեց հայ ժողովուրդի նորագոյն պատմութեան ամէնէն բախտորոշ ժամանակաշրջանին՝ դառնալով արժանահաւատ վկան հայոց նահատակութեան, յարութեան եւ վերապրումին։