Փետրուար 11ը, 79 տարի առաջ, ծանր ու ցնցիչ օր մը խորհրդանշեց հայ ժողովուրդի ազատատենչ եւ հայրենաբաղձ բազմութիւններուն համար։

Փետրուար 9ին կը լրանայ մահուան վաթսունամեակը հայոց նորագոյն պատմութեան հերոսական եզակի դէմքերէն Սօսէ Մայրիկի, որ իր մարմնաւորած ֆետայական կերպարով եւ յեղափոխական անձնազոհութեան օրինակով՝ ազգային ինքնաճանաչման ու հպարտութեան ոգեւորիչ աղբիւր մը դարձաւ հայ ժողովուրդի ապրող սերունդներուն համար։

Փետրուար 6ի այս օրը, 94 տարի առաջ, նորանկախ Հայաստանի Հանրապետութեան մայրաքաղաք Երեւանի մէջ, հանդիսաւորապէս բացումը կատարուեցաւ Արեւմտահայոց Երկրորդ Համագումարին, որ պատմական բախտորոշ նշանակութիւն ունեցաւ հայ ժողովուրդի հետագայ հոլովոյթին մէջ։

Այսօր՝ Փետրուար 5ին, աշխարհասփիւռ հայութեան հետ, ամէնուր պիտի նշէինք ծննդեան 56րդ տարեդարձը հայ երգի անմոռանալի դիցուհիին՝ Ֆլորա Մարտիրոսեանի, եթէ երկուքուկէս ամիս առաջ, 20 Նոյեմբեր 2012ին, լեղապարկի վիրահատութեան հետեւած առողջական բարդութիւնները յանկարծակի ու վերջնականապէս չընդհատէին անոր երկրային կեանքին ժամանակը...

Փետրուար 4ին մեր ժողովուրդը կը նշէ ծննդեան տարեդարձը հայ գրականութեան մեծատաղանդ ու բացառիկ դէմքերէն Զապէլ Եսայեանի։