Շաբաթ, Նոյեմբեր 22ին, գարունէն «գողցուած» այդ օրը, անոնք որոնք Սեւրի Սամուէլ-Մուրատ Վարժարանի եւ Շաւիլի եկեղեցւոյ հրաւէրին ընդառաջելով եկեր էին Մխիթարեաններու կրթական դարաւոր ոստանը, անկասկած չզղջացին:

ԹՈՒՐՔԻԱ
ՊՈԼՍՈՅ ՓՈՂՈՑՆԵՐԷՆ ՄԷԿԸ ՊԻՏԻ ԿՈՉՈՒԻ
ԴԵՐԱՍԱՆ ՆՈՒՊԱՐ ԹԷՐԶԵԱՆԻ ԱՆՈՒՆՈՎ
Թրքական «Միլլիյէթ» օրաթերթը կը գրէ, որ թրքական շարժարուեստի անցեալի ծանօթ դէմքերէն Նուպար Թէրզեանի անունը պիտի տրուի Պոլսոյ Վոսփորի ափին գտնուող Պիւյիւքտէրէի փողոցներէն մէկուն:

ՊԸՐՔԼԻ, Քալիֆորնիա, «Էյ.Փի.».- Մինչ Միացեալ Նահանգներու տարբեր քաղաքներու մէջ վերջերս տեղի ունեցած սպիտակամորթ ոստիկաններու կողմէ անզէն սեւամորթ քաղաքացիներու սպանութենաց դէմ խաղաղ ցոյցերը կը շարունակուին, անոնք Երկուշաբթի, Դեկտեմբեր 8ին վայրագ բնոյթ ստացան Պըրքլիի մէջ, երբ ոստիկաններ ուժի դիմեցին՝ ազատուղի մը եւ երկաթուղագիծ մը փակած ցուցարարները հեռացնելու համար։ Ոստիկանութիւնը նաեւ առնուազն 159 ցուցարարներ ձերբակալած է։

ԹԱՍՍ լրատու գործակալութիւնը կը հաղորդէ, որ Միացեալ Նահանգներ, ահաբեկչութեան մէջ կասկածուող անձերու դէմ ամերիկեան գաղտնի սպասարկութիւններուն կողմէ իրականացուող բռնութիւններու մասին զեկուցումի հրապարակման նախօրեակին, ուժեղացուցած են իրենց դեսպանատուներուն եւ հիւպատոսարաններուն անվտանգութիւնը:

Երկուշաբթի, 8 Դեկտեմբեր 2014-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետը հանդիպում մը ունեցաւ Արաբական Միացեալ էմիրութեանց նախագահ Շէյխ Մուհամմէտ Պըն Զայէտի հետ։