Տո՛ւր ինձ, Տէր Աստուած
Հոգու ամրութիւն,
Որ ես չմատնուեմ ցաւի կրակին,
Ապրեմ երազն իմ
Չապրած օրերի,
Կրկին չդառնամ խռովքի գերին:
Որ ես չփախչեմ
Բախտից իմ երեր,
Հեզ ու գունատուած տերեւի նման,
Որ ես չբախուեմ
Սեգ -սեգ ժայռերին,
Փոթորկուն ծովի ալիքի նման:
Տո՛ւր ինձ, Տէր Աստուած
Հոգու ամրութիւն,
Որ ցուրտ աչքերով հեռուն չփնտռեմ,
Որ ես չզատուեմ
Երկնից ու հողից,
Որ իմ օճախի՝ ծուխը վառ պահեմ:
ԱՒԻԿ ԴԵՐԵՆՑ
Պոսթըն