­Ա­հա նո­րու­թիւն մը, որ դժո­ւար թէ ա­մէն օր տես­նէք լրա­հո­սի մէջ. նախ­կին քոնկ­րէ­սա­կա­նը կը դադ­րեց­նէ իր աշ­խա­տան­քը՝ օ­տա­րերկ­րեայ յա­ճա­խոր­դի հա­մար… մէկ տա­րո­ւան վար­ձատ­րու­թիւ­նը չստա­նա­լու պատ­ճա­ռով:

Ա­սի­կա տե­ղի ու­նե­ցաւ քոնկ­րէ­սա­կան ­Տէն ­Պըր­թը­նի (­Հան­րա­պե­տա­կան, Ին­տիա­նա նա­հանգ) հետ, որ ան­ցեալ շա­բաթ դադ­րե­ցուց իր աշ­խա­տան­քը իբ­րեւ Ատր­պէյ­ճա­

նա­կան-ա­մե­րի­կեան ­Դա­շին­քի` ­Միա­ցեալ ­Նա­հանգ­նե­րու մէջ հզօր ատր­պէյ­ճա­նա­կան քա­րոզ­չա­կան խում­բի նա­խա­գա­հի, վար­ձատ­րու­թեան հա­մար ամ­բողջ տա­րի մը սպա­սե­լէն ետք:

Ի՞նչ կը մտա­ծէին ա­նոր ատր­պէյ­ճան­ցի տէ­րե­րը: Ինչ­պէ՞ս կրնա­յին խա­բել ի­րենց գոր­ծա­կալ­նե­րէն մէ­կը Ո­ւա­շինկ­թը­նի մէջ: Ա­սի­կա լաւ մի­ջոց է ձեր լոպ­պիս­տը ձեր դէմ հա­նե­լու…

­Լոպ­պիստ­նե­րը կը նպաս­տեն յա­ճա­խոր­դի շա­հե­րուն ոչ թէ ա­նոր հա­մար, որ կը հա­ւա­տան ա­նոր նպա­տակ­նե­րուն, այլ՝ գու­մար շա­հե­լու հա­մար: ­Միակ պատ­ճա­ռը, որ քոնկ­րէ­սա­կան ­Պըր­թըն կը սա­տա­րէր աշ­խար­հի ա­մե­նաճն­շող եւ ա­մե­նափ­տած կա­ռա­վա­րու­թիւն­նե­րէն մէ­կուն, անձ­նա­կան նիւ­թա­կան շահն էր: Երբ վար­ձատ­րու­թիւ­նը դադ­րե­ցաւ, ան այ­լեւս պատ­ճառ չու­նէր ա­ջակ­ցե­լու նա­խա­գահ Ա­լիե­ւի բռնա­պե­տա­կան վար­չա­ձե­ւին:

Ատր­պէյ­ճա­նա­կան-ա­մե­րի­կեան ­Դա­շին­քը հիմ­նադ­րո­ւած է մե­ծա­հա­րուստ, 34ա­մեայ մի­լիա­ռա­տէր Ա­նար ­Մա­մե­տո­վի կող­մէ: ­Հե­տաքրք­րա­կան է, որ Ա.Մ.Ն. նա­խա­գա­հի ­Հան­րա­պե­տա­կան թեկ­նա­ծու ­Տո­նալտ Թ­րամ­փը, զգա­լի վճա­րու­մի դի­մաց, թոյլ տո­ւած է իր ա­նու­նով կո­չե­լու ­Մա­մե­տո­վի ըն­կե­րու­թեան կա­ռու­ցած շքեղ հիւ­րա­նոց մը ­Պա­քո­ւի մէջ:

Թղ­թա­կից ­Քառլ Շ­րե­քը եւ «Ա­զատ Եւ­րո­պա/Ա­զա­տու­թիւն» ռա­տիո­կա­յա­նը ձեռք բե­րած են քոնկ­րէ­սա­կան ­Պըր­թը­նի 2016 ­Մարտ 1ի ե­լեկտ­րո­նա­կան նա­մա­կին պատ­ճէ­նը, զոր ան ու­ղար­կած է Ատր­պէյ­ճա­նա­կան-ա­մե­րի­կեան ­Դա­շին­քին հա­մար լոպ­պիս­տա­կան գոր­ծու­նէու­թիւն ծա­ւա­լող ո­ւա­շինկ­թը­նեան ըն­կե­րու­թեան ղե­կա­վար ­Ճէյմս ­Ֆա­պիա­նիին:

«­Քա­նի որ ար­դէն մէկ տա­րի է` ո՛չ դուք, ո՛չ Ա­նա­րը կապ չէք հաս­տա­տած հետս, եւ ես չեմ վար­ձատ­րո­ւած մէկ տա­րո­ւան հա­մար, ուս­տի կը խնդրեմ այս ե­լեկտ­րո­նա­յին նա­մա­կը ըն­դու­նիլ իբ­րեւ հրա­ժա­րա­կա­նի դի­մու­մի՝ Ատր­պէյ­ճա­նա­կան-ա­մե­րի­կեան ­Դա­շին­քի նա­խա­գա­հի պաշ­տօ­նէս»:

Ա­հա՛ լրա­ցու­ցիչ ման­րա­մաս­ներ «Ա­զա­տու­թիւն» ռա­տիո­կա­յա­նի բա­ցա­յայ­տած աղմ­կա­յա­րոյց գոր­ծէն.

«­Պըր­թը­նի հրա­ժա­րա­կա­նը յա­ջոր­դեց Ատր­պէյ­ճա­նա­կան-ա­մե­րի­կեան ­Դա­շին­քի ճա­կա­տագ­րին շուրջ ա­միս­ներ տե­ւած շա­հար­կում­նե­րուն, որ ­Միա­ցեալ ­Նա­հանգ­նե­րու մէջ ատր­պէյ­ճա­նա­կան լոպ­պիս­տա­կան ար­շա­ւին յե­նա­սիւնն է` Ա­րեւ­մուտ­քի հա­մար Ատր­պէյ­ճա­նը իբ­րեւ կա­յուն ու­ժա­նիւ­թի եւ անվ­տանգ գոր­ծըն­կեր ներ­կա­յաց­նե­լու գոր­ծին մէջ: ­Լոպ­պին­կը կ­՝ընդգր­կէ թէ՛ մաս­նա­ւոր, թէ՛ պե­տա­կան գու­մար­ներ»:

«­Պա­քո­ւի քննա­դատ­նե­րը կը մե­ղադ­րեն նա­խա­գահ Իլ­համ Ա­լիե­ւի կա­ռա­վա­րու­թիւ­նը եւ ա­նոր վստա­հո­ւած ան­ձե­րը` մար­դու ի­րա­ւունք­նե­րու ա­մե­նա­կո­պիտ խախ­տում­նե­րը «խա­ւիա­րա­յին դի­ւա­նա­գի­տու­թեամբ» հար­թե­լու մէջ` օգ­տա­գոր­ծե­լով նո­ւէր­ներ, ար­ձա­կուրդ­ներ եւ այլ թան­կար­ժէք խթան­ներ` բա­րե­կամ­ներ ձեռք բե­րե­լու եւ ար­տա­սահ­մա­նեան պաշ­տօ­նեա­նե­րու բա­րե­հա­ճու­թիւ­նը շա­հե­լու հա­մար»:

«­Վեր­ջերս Ա­լիե­ւը ջնջեց ­Մա­մե­տո­վի հօր ղե­կա­վա­րած փո­խադ­րա­մի­ջոց­նե­րու նա­խա­րա­րու­թեան լայն լիա­զօ­րու­թիւն­նե­րը, ինչ որ կը նշա­նա­կէ, թէ այդ ըն­տա­նի­քին ազ­դե­ցու­թիւ­նը կը տկա­րա­նայ կա­ռա­վա­րու­թեան մէջ»:

«2015 Օ­գոս­տո­սէն, ատր­պէյ­ճա­նա­կան ո­րոշ լրա­տո­ւա­մի­ջոց­ներ, յղում կա­տա­րե­լով ան­յայտ աղ­բիւր­նե­րու, յայտ­նած էին, որ ­Մա­մե­տո­վը կ­՝ու­զէ փա­կել Ատր­պէյ­ճա­նա­կան-ա­մե­րի­կեան ­Դա­շին­քը նիւ­թա­կան դժո­ւա­րու­թիւն­նե­րու պատ­ճա­ռով` ու­ժա­նիւ­թե­րու գի­նե­րի կտրուկ անկ­ման հե­տե­ւան­քով Ատր­պէյ­ճա­նի ընդ­հա­նուր տնտե­սա­կան ճգնա­ժա­մի հիմ­քին»:

«Ըստ Opensecrets.org կայ­քին` վեր­ջին հինգ տա­րի­նե­րու ըն­թաց­քին Ատր­պէյ­ճա­նա­կան-ա­մե­րի­կեան ­Դա­շին­քը ընդ­հա­նուր առ­մամբ ծախ­սած է 12,3 մի­լիոն տո­լար ա­մե­րի­կեան լոպ­պիս­տա­կան ջան­քե­րուն վրայ` կազ­մա­կեր­պե­լով հիւ­րա­սի­րու­թիւն­ներ Ո­ւա­շինկ­թը­նի վեր­նա­խա­ւին հա­մար եւ ա­ռաջ մղե­լով ­Պա­քո­ւի շա­հե­րը ­Քոնկ­րէ­սի բարձ­րաս­տի­ճան ան­դամ­նե­րու հետ հան­դի­պում­նե­րու գծով»:

«­Կազ­մա­կեր­պու­թիւ­նը, որ պաշ­տօ­նա­պէս չի հա­մա­րո­ւիր ատր­պէյ­ճա­նա­կան պե­տու­թեան ա­ռըն­թեր կա­ռոյց, սա­կայն սեր­տօ­րէն կա­պո­ւած է Ա­լիե­ւի կա­ռա­վա­րու­թեան հետ, շա­րու­նա­կած է այս ծախ­սե­րը` ա­մե­րի­կեան լոպ­պիս­տա­կան ծա­ռա­յու­թիւն­նե­րու հա­մար 2015 թո­ւա­կա­նին վճա­րե­լով 1,46 մի­լիոն տո­լար, ո­րուն մեծ մա­սը գա­ցած է Fabiani & Co ըն­կե­րու­թեան` ըստ լոպ­պին­կի հա­սա­րա­կա­կան բա­ցա­յայ­տում­նե­րուն»:

«­Խում­բը 430.000 տո­լար ծախ­սած է 2012ի իր ճաշ­կե­րոյ­թին հա­մար, ո­րուն մաս­նակ­ցած են ­Ներ­կա­յա­ցու­ցիչ­նե­րու ­Տան այն ժա­մա­նա­կո­ւան խօս­նակ ­Ճոն ­Պէյ­նը­րը եւ ­Քոնկ­րէ­սի 15 այլ ան­դամ­ներ, նե­րա­ռեալ ­Պըր­թը­նը` ըստ «Օ­տա­րերկ­րեայ գոր­ծա­կալ­նե­րու ար­ձա­նագ­րու­թեան մա­սին» ա­մե­րի­կեան օ­րէն­քի (FARA) 2013ի լրաց­ման»:

«­Պըր­թը­նը նշա­նա­կո­ւե­ցաւ Ատր­պէյ­ճա­նա­կան-ա­մե­րի­կեան ­Դա­շին­քի նա­խա­գահ 2013 ­Փետ­րո­ւա­րին` ­Քոնկ­րէ­սի մէջ իր 30ա­մեայ գոր­ծու­նէու­թիւ­նը դադ­րեց­նե­լէն մէկ ա­միս անց: Այս շա­բաթ ան «Ա­զա­տու­թիւն» ռա­տիո­կա­յա­նին ը­սած է, որ ­Ֆա­պիա­նին զինք ներ­կա­յա­ցու­ցած է ­Մա­մե­տո­վին` շի­նա­րա­րա­կան ըն­կե­րու­թիւն­նե­րու, հիւ­րա­նոց­նե­րու եւ ա­պա­հո­վագ­րա­կան ըն­կե­րու­թիւն­նե­րու միա­ւոր­ման` «­Կա­րանթ» հոլ­տին­կի նա­խա­գա­հին:

«­Նա­խա­պէս «Ա­զա­տու­թիւն» ռա­տիո­կա­յա­նի ի­րա­կա­նա­ցու­ցած հե­տաքն­նու­թիւն­նե­րը բա­ցա­յայ­տած էին, որ Ա­նար ­Մա­մե­տո­վի գոր­ծա­րա­րու­թեան շա­հե­րը կա­պո­ւած են իր հօր` ­Զիա ­Մա­մե­տո­վի ղե­կա­վա­րած փո­խադ­րա­մի­ջո­ցի նա­խա­րա­րու­թեան հետ»:

«­Պըր­թըն ը­սաւ, որ Ատր­պէյ­ճա­նա­կան-ա­մե­րի­կեան ­Դա­շին­քին մէջ ե­ղած ժա­մա­նակ ին­քը չէ զբա­ղած լոպ­պին­կով, սա­կայն ժա­մա­նակ առ ժա­մա­նակ հրա­ւի­րած է ­Քոնկ­րէ­սի ան­դամ­նե­րը խում­բի ներ­կա­յա­ցու­ցած «հա­ւա­քոյթ­նե­րուն»։ Ան նաեւ կար­ծիք ար­տա­յայ­տող յօ­դո­ւած­ներ հրա­պա­րա­կած է՝ ի պաշտ­պա­նու­թիւն Ատր­պէյ­ճա­նի կա­ռա­վա­րու­թեան»:

Ան­ցեալ տա­րո­ւան ­Մա­յի­սին ես հան­դի­պե­ցայ քոնկ­րէ­սա­կան ­Պըր­թը­նին ­Նիւ Եոր­քի հիւ­րա­նո­ցի մը մուտ­քին եւ բո­ղո­քե­ցի Ատր­պէյ­ճա­նի օգ­տին ա­նոր շա­րու­նա­կա­կան ջան­քե­րուն եւ ­Հա­յոց ­Ցե­ղաս­պա­նու­թեան վե­րա­բե­րեալ բա­նա­ձե­ւե­րու դէմ քո­ւէար­կե­լուն հա­մար, ­Քոնկ­րէ­սի մէջ իր պաշ­տօ­նա­վա­րու­թեան ըն­թաց­քին: Ան տո­ւաւ իր այ­ցե­քար­տը եւ խնդրեց կապ հաս­տա­տել իր հետ… Ես չկա­պո­ւե­ցայ իր հետ եւ հի­մա ալ մտադ­րու­թիւն չու­նիմ, երբ ան այ­լեւս չ­՝աշ­խա­տիր իբ­րեւ Ատր­պէյ­ճա­նի գոր­ծա­կալ:

ՅԱՐՈՒԹ ՍԱՍՈՒՆԵԱՆ

«­Քա­լի­ֆոր­նիա ­Քու­րիըր»