Յու­նո­ւար 19ին` Հ­րանդ Տին­քի սպա­նու­թեան 9րդ տա­րե­լի­ցին, Ե.Ա.Հ.Կ.ի մամ­լոյ ա­զա­տու­թեան հար­ցե­րով ներ­կա­յա­ցու­ցիչ Տու­նիա Միա­թո­վիչ կոչ ուղ­ղած է Թուր­քիոյ իշ­խա­նու­թիւն­նե­րուն, որ ա­րագ ու թա­փան­ցիկ դա­տա­վա­րու­թիւն մը ա­պա­հո­վեն, որ­պէս­զի կա­րե­լի ըլ­լայ բա­ցա­յայ­տել Տին­քի սպա­նու­թեան իս­կա­կան

պատո­ւի­րա­տու­նե­րը: Այս մա­սին կը հա­ղոր­դէ Պոլ­սոյ «­Մար­մա­րա» օ­րա­թեր­թը։ Այս ա­ռի­թով հրա­պա­րա­կուած է յա­տուկ յայ­տա­րա­րու­թիւն մը, ո­րուն մէջ կը նշուի.- «­Լիա­յոյս ենք, որ դա­տա­կան գոր­ծի ծի­րին մէջ վեր­ջին զար­գա­ցում­նե­րը օգ­նեն վեր հա­նե­լու եւ պա­տաս­խա­նա­տո­ւութեան կան­չե­լու սպա­նու­թեան ի­րա­կան պա­տո­ւի­րա­տու­նե­րը»:

Տու­նիա Միա­թո­վիչ վկա­յա­կո­չած է 2015ի Դեկ­տեմ­բե­րին Պոլ­սոյ դա­տա­խա­զու­թեան տո­ւած ո­րո­շու­մը, ըստ ո­րուն՝ գլխա­ւոր դա­տա­խա­զը միջ­նոր­դած էր, որ­պէս­զի հե­տաքն­նու­թեան մէջ ներգ­րա­ւո­ւին ա­պա­հո­վա­կան մար­զի 25 պաշ­տօ­նա­տար­ներ, ո­րոնց մաս­նա­գի­տա­կան հա­ւա­նա­կան ան­փու­թու­թեան պատ­ճա­ռով տե­ղի ու­նե­ցած է Տին­քի սպա­նու­թիւ­նը: «Վս­տահ եմ, որ դա­տա­վա­րու­թիւ­նը ի վեր­ջոյ ար­դա­րու­թիւն պի­տի բե­րէ Տին­քի ըն­տա­նի­քին, ըն­կեր­նե­րուն եւ գոր­ծըն­կեր­նե­րուն: Ս­պա­նու­թեան ի­րա­կան պա­տո­ւի­րա­տու­նե­րը բա­ցա­յայ­տե­լը ամ­բողջ հան­րու­թեան ցոյց պի­տի տայ մամ­լոյ եւ խօս­քի ա­զա­տու­թեան կա­րե­ւո­րու­թիւ­նը եւ լրագ­րող­նե­րու դէմ կի­րար­կո­ւած բռնու­թեան դէմ պայ­քա­րե­լու շա­րու­նա­կա­կան անհ­րա­ժեշ­տու­թիւ­նը»,- եզ­րա­կա­ցու­ցած է Ե.Ա.Հ.Կ.ի ներ­կա­յա­ցու­ցի­չը: Միւս կող­մէ՝ «­Տե­մոք­րաթ­հա­պեր» կայ­քը կը հա­ղոր­դէ, որ Տին­քի յի­շա­տա­կին ա­րա­րո­ղու­թիւն մը տե­ղի ու­նե­ցած է նաեւ ա­նոր ծննդա­վայ­րին` Մա­լա­թիոյ մէջ: