Թուր­քիոյ քրտա­կան Ժո­ղո­վուրդ­նե­րու Ժո­ղովըր­դա­վա­րա­կան Կու­սակ­ցու­թեան (HDP) կող­մէ պատ­գա­մա­ւոր ընտ­րո­ւած Կա­րօ Փայ­լան խորհր­դա­րա­նի օ­րա­կարգ մտցու­ցած է, վեր­ջին օ­րե­րուն, հա­յերն ու այլ ազ­գա­յին եւ սե­ռա­կան փոք­րա­մաս­նու­թիւն­նե­րը թի­րախ դարձ­նե­լու փոր­ձե­րը: Խորհր­դա­րա­նին մէջ կազ­մա­կեր­պո­ւած մա­մու­լի ա­սու­լի­սի ժա­ մա­նակ՝ Կա­րօ Փայ­լան յայտ­նած է, որ վեր­ջին 15 օ­րը Թուր­քիոյ մէջ, ցե­ղա­պաշ­տա­կան (ռա­սիստ) եւ ա­տե­լու­թիւն սեր­մա­նող յայ­տա­րա­րու­թիւն­նե­րու հետ կապո­ւած, ի­րա­ւա­պահ մար­մին­նե­րը ո­րե­ւէ քայլ չեն ձեռ­նար­կած` յի­շեց­նե­լով Տիգ­րան Հա­մա­սեա­նի հա­մեր­գէն ետք ազ­գայ­նա­կան­նե­րու տխրահըռ­չակ յայ­տա­րա­րու­թիւ­նը եւ Ա­տա­նա­յի քա­ղա­քա­պե­տի յայ­տա­րա­րու­թիւ­նը՝ կա­պո­ւած խորհր­դա­րան ան­ցած ե­րեք հայ պատ­գա­մա­ւոր­նե­րուն հետ: Կա­րօ Փայ­լան յայ­տա­րա­րած է, թէ ինք դա­տա­կան հայց պի­տի ներ­կա­յաց­նէ ազ­գայ­նա­մո­լա­կան «Ի­տէա­լիս­տա­կան Օ­ճախ­ներ»ու Կար­սի կա­ռոյ­ցի ղե­կա­վար Թոլ­կա Ա­տը­կիւ­զե­լի նկատ­մամբ, որ ուղ­ղա­կի թի­րախ դար­ձու­ցած էր հա­յե­րը` ը­սե­լով.- «­Հի­մա Կար­սի փո­ղոց­նե­րուն մէջ հա­յե­րու որ­սի դուրս գա՞նք»: