Արագընթաց զարգացումներ արձանագրուեցան երէկ կէսօրէ ետք Յունաստանի մամլոյ խօսնակ Սիմոս Քետիքօղլուի անակնկալ յայտարարութենէն ետք, թէ կառավարութիւնը որոշած է գիշերուայ ժամը 11ին դադրեցնել պետական հեռատեսիլի հեռարձակումը: Ան յայտնեց թէ աւելի սահմանափակ ծախսերով

ու վերակա- ռուցուած հանրային հեռուստակայանի նոր համակարգ պիտի ստեղծուի Սեպտեմբերէն:
Ինչպէս յայտնի դարձաւ, կառավարութիւնը ի վիճակի չէ հանրային կեանքէն ներս աշխատաւորներու թիւի պարտադրուած կրճատումները կատարելու, ուստի կը դիմէ անակնկալ դադրեցումներու:
Երկրի մամլոյ ընդհանուր համակարգը խստօրէն քննադատած է կառավարութեան որոշումը, գործադուլներու շարք մը յայտարարելով: