Երէկ Կիրակի երեկոյեան Աթէնքի կեդրոնական Սինտաղմայի հրապարակը համախմբուեցան յոյն քաղաքացիները՝ «Աղքատութիւն, գործազըրկութիւն, անձնասպանութիւններ. Կը բաւէ այլեւս» լոզունգը բացագանչելով։

Ցուցարարներուն դէմ շարուեցան մեծ թիւով ոստիկանական ուժեր, որ քիմիական կազերու շատ մեծ քանակութիւն օգտագործեցին, հաւաքուած ցուցարարները ցրուելու նպատակով։

Քաղաքացիները արձագանգած էին «Վրդովածներու» շարժումի նախաձեռնութեամբ կազմակերպուած ցոյցին, որ ժողովուրդի հիասթափութիւնը արտայայտելու գծով տեղի ունեցաւ։