28-29 Օգոստոս 2013-ին, Մայր Աթոռ Ս. Էջմիածնի մէջ, գումարուեցաւ Գարեգին Բ. Ամենայն Հայոց Կաթողիկոսի եւ Ն.Ս.Օ.Տ.Տ. Արամ Ա. Մեծի Տանն Կիլիկիոյ Կաթողիկոսի կողմէ նշանակուած Հայ Եկեղեցւոյ Եպիսկոպոսաց Ժողովի նախապատրաստական յանձնախումբի  ժողովը։

Երկու օրերու ընթացքին, ժողովական սրբազանները քննարկեցին Հայ Եկեղեցւոյ Եպիսկոպոսաց Ժողովի գումարման թուականը, օրակարգը եւ ժամանակացոյցը։ Ժողովը պիտի գումարուի 24-27 Սեպտեմբեր 2013-ին, Ս. Էջմիածնի մէջ։