Եգիպտոսի Սահմանադրական դատարանի նախագահ Ադլի Մանսուրը երէկ երդում տուաւ որպէս երկրի նախագահի պաշտօնակատար:
Մանսուրը նախագահի պաշտօնակատար նշանակեցին զինուորականները, պաշտօնանկ ընելէ ու ձերբակալելէ ետք նախագահ Մուհամեդ Մորսին: Բանակը յայտարարեց թէ Մորսի չէր կարողացած արդարացնել ժողովուրդի ակնկալիքները:
Մորսիի հրաժարականը պահանջող հարիւր հազարաւոր ցուցարարներ Եգիպտոսի պաշտպանութեան նախարար Ապտել Ֆաթահ ալ-Սիսիի հեռուստակայանով հաղորդուած ուղերձէն յետոյ ամբողջ գիշեր տօնեցին իրենց յաղթանակը:
Մուհամետ Մորսին իր կարգին, տեղի ունեցածը «լիակատար ռազմական յեղաշրջում» բնորոշեց:
CNN-ի տուեալներով՝ Եգիպտոսի մէջ օր մը առաջ տեղի ունեցած բախումներու հետեւանքով սպաննուած է 32 մարդ եւ վիրաւորուած են հարիւրաւոր ուրիշներ: