Կիպրոսի ՀՅԴ Հայ Դատի Յանձնախումբի հրաւէրով, Նիկոսիոյ մէջ 23 Օգոստոսին ժողովրդային հաւաք մը տեղի պիտի ունենայ, ուր խօսք պիտի առնէ ՀՅԴ Արցախի Կեդրոնական Կոմիտէի ներկայացուցիչ Դաւիթ Իշխանեանը: Բանախօսը հանգամանօրէն պիտի անդրադառնայ Արցախի ներկայ քաղաքական իրավիճակին:
Կիպրոս իր այցելութեան առիթով, Դաւիթ Իշխանեան պիտի այցելէ նաեւ Թրոտոս լերան վրայ գտնուող ՀՅԴ Երիտասարդական Միութեան բանակավայրը:


Դաւիթ Իշխանեան 1992-1994 թուականներուն ստանձնած է Մարտունիի շրջանի Աշանի գումարտակի հրամանատարի պաշտօնը: ԼՂՀ պաշտպանութեան բանակի շարքերուն մէջ եղած ատեն մասնակցած է Մարտունիի, Ասկերանի, Մարտակերտի շրջաններու պաշտպանական եւ Աղդամի, Քելբաջարի եւ Ֆիզուլիի շրջաններու ազատագրական մարտերուն:
1995-2000ի միջեւ վարած է Աշանի միջնակարգ դպրոցի տնօրէնի պաշտօնը, ապա եղած է Աշանի համայնքի ղեկավար:
1992-95 եղած է ԼՂՀ Գերագոյն Խորհուրդի առաջին գումարման պարգամաւոր: