Դեկտեմբեր 9-ին Մոսկուայի Սուրբ Յարութիւն եկեղեցւոյ մէջ մատուցուեցաւ հոգեհանգիստի պատարագ՝ ի յիշատակ 1988թ.-ին տեղի ունեցած Սպիտակի աւերիչ երկրաշարժին զոհ գնացած աւելի քան 25 հազար անմեղ մարդոց:

Պատարագին ներկայ գտնուեցաւ Ռուսիոյ ՀՀ դեսպան Օլեգ Եսայեանը, մոսկուաբնակ հայազգի մշակութային գործիչներ, համայնքային կառոյցներու եւ տեղական լրատուամիջոցներու ներկայացուցիչներ: Ներկաներուն ուղղուած  բարեգթութեան եւ միասնութեան կոչով հանդէս եկաւ Հայ Առաքելական եկեղեցւոյ Նոր Նախիջեւանի եւ Ռուսաստանի Հայոց Թեմի առաջնորդ գերշ. Տէր Եզրաս Եպիսկոպոս Ներսիսեանը:
Հոգեհանգիստի պատարագի աւարտին մասնակիցները ծաղիկ զետեղեցին 1988թ.-ի երկրաշարժի զոհերու յիշատակը յաւերժացնող խաչքարին դիմաց: