Առաքել Միրզոյեանը ձախողեցաւ

Հայաստանի ներկայացուցիչ 69 քիլօ  ծանրամարտիկ Առաքել Միրզոյեանը անյաջող ելոյթ ունեցաւ:

Առաքելը՝ կը համարուէր մետալի յաւակնորդ,  սակայն առաջին հերթին հոգեբանական վատ պատրաստուածութեան պատճառով ան չկարողացաւ յաջող ելոյթ ունենալ:
69 կգ. 344 կգ արդիւնքով ոսկէ մետալը նուաճեց չին ծանրորդ Լին Քինգֆենգը: 333 կգ արդիւնքով արծաթէ մետալակիր դարձաւ Ինտոնեզիան ներկայացնող Տրիյատնօ Տրիյատնոն, իսկ պրոնզէ մետալը նուաճեց ռումանացի Ռազվան Կոնստանտին Մարտինը՝ 332 կգ արդիւնքով:
Օգոստոսի 1-ին կը մրցի 69 կգ ծանրամարտուհի Մելինէ Դալուզեանը, որմէ եւս ակնկալիքները մեծ են:

Մ. Քոլոյեանի անյաջող ելոյթը

Լոնտոնի մէջ ընթացող ամառնային Ողիմպիական խաղերուն մրցեցաւ հայ լողորդ Միքայէլ Քոլոյեանը:
Wild Card-ով Լոնտոն ուղեւորուած մարզիկը ազատ ոճի 100 մեթր տարածութեան ցոյց տուաւ 53.82 արդիւնք ու իր ենթախմբակին մէջ գրաւեց վերջին՝ 8-րդ տեղը:
Աւելցնենք, որ Քոլոյեանի՝ Լոնտոն մեկնելուն Հայաստանի մէջ շատերը դէմ էին, քանի որ պատանի լողորդ Վահան Մխիթարեանը աւելի լաւ արդիւնքներ կը գրանցէր: Մասնաւորապէս, 100 մեթր տարածութիւնը Մխիթարեանը Հայաստանի այս տարուայ առաջնութեան մէջ անցած էր 52.28 վայրկեանէն:
Միքայէլ Քոլոյեան անյաջող էր նաեւ 2008թ. Փեքինի Ողիմպիական խաղերուն:

ՄԱՐԶԱԿԱՆ

Յունաստանի մէջ ընթացող ճատրակի մրցաշարքին
Տիգրան Պետրոսեանը կը գրաւէ 4-րդ հորիզոնականը

Յունաստանի  Գավալա  քաղաքին մէջ ընթացող ճատրակի միջազգային մրցաշարքի 7-րդ շրջանին իր առաջին պարտութիւնը կրեց հայ ճատրակիստ Տիգրան Պետրոսեանը, որ սպիտակ խաղաքարերով զիջեցաւ հնդիկ Աբխիժիտա Գուբտային: Այս մրցումէն ետք Պետրոսեան ունի 5 միաւոր եւ լրացուցիչ ցուցանիշերով, կը զբաղեցնէ 4-րդ հորիզոնականը: 2-րդ եւ 3-րդ հորիզոնականներէն Պետրոսեան՝ ետ կը մնայ կէս միաւորով, իսկ առաջատար Գուբտային կը զիջի մէկ միաւորով:
8-րդ շրջանի Պետրոսեանի մրցակիցը կրկին Հնդկաստանէն պիտի ըլլայ։ Տիգրան Պետրոսեան ուժերը կը չափէ Ջարայամ Աշվինի հետ:

Մկրտչեան ու Դանիէլեանը բաժնուեցան 8-րդ տեղը

Ջերմուկի մէջ վերջացաւ կիներու Գրան-փրի մրցաշարքըը: Վերջին 11-րդ շրջանին Լիլիթ Մկրտչեանը սպիտակներով յաղթեց Նինօ Խուրցիձեին (Վրաստան), իսկ Էլինա Դանիէլեանը սեւերով հաւասարութեամբ  Բատխույագ Մոնգուտուլի (Մոնկոլիա) հետ վերջացուց մրցումը։
Հայ ճատրակիստները վաստակեցին 5-ական միաւոր ու  բաժ-նուեցան 8-րդ տեղը:
7 միաւորով մրցաշարքի յաղթող դարձաւ Հոու Եիֆանը (Չինաստան):