«ԱԼԻՔ»- Հայաստանի Կամերային նուագախումբը, բաղկացած 20 հոգիէ, 14 գիշերներ համերգներ պիտի ունենայ «Վահդաթ» (Ռուդաքի) դահլիճին մէջ՝ ղեկավարութեամբ մաէսթրօ Լորիս Ճգնաւորեանի:

Նուագախումբի փորձերը Մայիս 21-էն Երեւանի մէջ սկսած են Ճգնաւորեանի օգնական եւ գեղարուեստական ծրագրաւորման տնօրէն մաէսթրօ Ռազմիկ Օհանեանի ղեկավարութեամբ. նուագախումբը շարունակած է իր փորձերը եւ Թեհրան  ժամանած է՝ Յունիս 7-ին:
Այս 14 կատարումներուն կը նուագեն նաեւ իրանցի սոլիստներ, ինչպէս՝ Երեւանի Կոմիտասի անուան երաժշտանոցի շրջանաւարտ դաշնակահար Ամիր Մահեար Մորադին, որը Բախի դաշնամուրի համերգը կատարուեցաւ Յունիս 11-ին, Ֆլէյտահար տիկին Ազին Մովահեդը, որը Կառլ Էմմանուէլ Բախի ֆլէյտայի համերգը պիտի կատարէ Յունիս 21-ին, ջութակահար տիկին Փանիզ Ֆարիւսէֆին, որը շրջանաւարտ է Երեւանի Կոմիտասի անուան երաժշտանոցի, Յունիս 20-ին կատարելու է ջութակի կոնցերտօ, դաշնակահար Փուրիա Խադեմը Յունիս 14-ին պիտի կատարուի Շահին Ֆարհաթի դաշնամուրի համերգը, անուանի ջութակահար Խաչիկ Բաբայեանը Յունիս 18-ին ու 19-ին կատարելու է Վիվալտիի «Չորս եղանակները»: Արամ Թալալեանը Յունիս 8-ին կատարեց Հայտէնի, իսկ Յունիս 9-ին Ճգնաւորեանի համերգները՝ թաւջութակով:
Թեհրանի երաժշտական փառատօնը կþամբողջանայ Յունիս 22-ին։