ԵՐԵՒԱՆ, «Մետիամաքս».- Ֆրանսացի հայ դերասան եւ բեմադրիչ Սերժ Աւետիքեան կը կատարէ Սերգէյ Փարաջանովի դերը՝ համանուն շարժապատկերին մէջ:
Փարաջանովի մասին ֆիլմին մէջ ան ոչ միայն հանդէս կու գայ իբրեւ դերասան, այլեւ՝ իբրեւ համաբեմադրիչ:
«Շարժապատկերին մէջ ուշադրութիւնը կը կեդրոնացուի ոչ թէ Փարաջանովի կենսագրութեան, այլ անոր ստեղծագործական ուղիին վրայ», մանրամասնեց դերասանը:
«Փարաջանով» ֆիլմի նախագիծի իրականացման կը մասնակցին Հայաստանը, Ֆրանսան, Ուքրանիան եւ Հոլանտան:
«Փարաջանով» շարժապատկերին նախագիծը Երկուշաբթի, 11 Յուլիսին ներկայացուեցաւ Հայաստանի մէջ գործող Ֆրանսայի դեսպանատան մէջ: