ՔԱՊՈՒԼ
Աֆղանիստանի մայրաքաղաքը հասաւ այսօր առաւօտեան կանուխ ժամերուն Ֆրանսայի նախագահ Նիքոլա Սարքոզի, մի քանի ժամուայ այցելութիւն մը կատարելով: Սարքոզի պիտի այցելէ Թակապ գիւղը, ուր տեղակայուած է ֆրանսական զօրախումբի ուժը:

Օր մը առաջ, Աֆղանիստանի մէջ, իր կեանքը կորսնցուց ֆրանսացի զինուոր մը: 2001էն ետք՝ 64 ֆրանսացի զինուորներ իրենց կեանքը կորսնցուցած են Աֆղանիստանի մէջ:

ՉԻԼԷ
Codelco պետական ընկերութեան մէջ աշխատող հանքագործները գործադուլ յայտարարած են, բողոքելով Չիլէի կառավարութեան որոշումին դէմ, ըստ որու հանքավայրէն ներս պիտի նուազեցնեն աշխատանքի տեղերը: Հանքագործներու սենտիքան կը նախազգուշացնէ, թէ գործէ արձակումները կը միտին ընկերութիւնը տկարացնել, ապա սեփականաշնորհման յանձնել:

ԳԱՀԻՐԷ
Իսրայէլէն եւ Յորդանանէն բնական կազ փոխադրող խողովակաշարին մէջ պայթում մը արձանագրուած է դարձեալ: Խափանարարական չորրորդ արարքն է որ տեղի ունեցած է: