Վանի ամենանշանաւոր պատմական յուշարձաններէն մէկը հանդիսացող Վարագայ վանքը վերածուած է աւերակի: Վարագավանքը կառուցուած է 8-11րդ դարերուն եւ վանքի ներկայ կանգուն մնացած հատուածը ստեղծուած է
1003-1021 թուականներուն` Վասպուրականի թագաւոր Սենեքերիմ-Յովհաննէսի իշխանութեան օրօք, սակայն չեն յայտներ, որ վանքը հայկական է:
2011ի ուժգին երկրաշարժի հետեւանքով՝ մեծ վնաս կրած Վարագավանքի վերականգնման եւ վերանորոգման ուղղութեամբ դեռ ոչ մէկ աշխատանք կը տարուի: Էրէք լերան ստորոտին կառուցուած սոյն վանքը կը գտնուի ներկայ Եուքարը Պաքրաչլը գիւղին մէջ: Վարագավանքը բաղկացած եղած է հինգ եկեղեցիներէ, ժամատունէ, գրադարանէ եւ զանգակատունէ: Վանքի ամենահին եկեղեցին Սուրբ Սոֆիան է` կառուցուած 8րդ դարուն:
Վարագավանքի սեփականութեան վկայականը կը պատկանի HABERTURKի նախկին գլխաւոր խմբագիր Ֆաթիհ Ալթայլըի:
Վերջինս նախապէս յայտարարած էր, որ եթէ նախարարութիւնը ցանկանայ, ինք պատրաստ է անմիջապէս յանձնելու վանքը: Սակայն մինչ այժմ որեւէ աշխատանք չէ տարուած այդ ուղղութեամբ: