Ի­րա­նի ­­Մէճ­լի­սին մէջ ի­րա­նա­հայ հա­մայն­քը եր­կու տեղ ու­նի: Ի­րա­նի 10րդ ­գու­մար­ման ­­Մէճ­լի­սի ընտ­րու­թիւն­նե­րուն մաս­նակ­ցե­լու յայտ ներ­կա­յա­ցու­ցած էր ի­նը հայ թեկ­նա­ծու. ըն­թաց­քին՝ կրճա­տո­ւած է ա­նոնց թի­ւը: Լ­րագ­րող­նե­րու հետ հան­դիպ­ման ժա­մա­նակ, ըստ Panorama.amի՝ ը­սած է ի­րա­նա­գէտ ­­Գո­հար Իս­կան­դա­րեան:

Ան նաեւ նշած է, որ թեկ­նա­ծու­նե­րէն մէ­կը կ­՛ընտրուի հիւ­սի­սի եւ ­­Թեհ­րա­նի տե­ղին հա­մար, միւ­սը` հա­րա­ւի եւ Ս­պա­հա­նի:

­­Հա­րա­ւի եւ Ս­պա­հա­նի տե­ղին հա­մար ե­րեք թեկ­նա­ծու ա­ռա­ջադ­րո­ւած էին, սա­կայն Վ­րէժ ­­Տէր-­­Մար­տի­րո­սեան ինք­նա­բա­ցարկ յայ­տա­րա­րած է:

Ըստ Գ.Իս­կան­դա­րեա­նի՝ յաղ­թե­լու բա­ւա­կան մեծ հնա­րա­ւո­րու­թիւն ու­նի ­­Ժոր­ժիկ Աբ­րա­հա­մեան, որ նա­խա­պէս ե­ղած է պատ­գա­մա­ւոր, հա­մայն­քը կը յի­շէ ա­նոր ա­ռաջ քա­շած օ­րի­նա­գի­ծե­րը, ո­րոնք կեան­քի կո­չո­ւած էին: ­­Հիւ­սի­սի եւ ­­Թեհ­րա­նի տե­ղին հա­մար չորս թեկ­նա­ծու կը պայ­քա­րի:

Ի­րա­նա­գէ­տին խօս­քով՝ մեծ հա­ւա­նա­կա­նու­թիւն ու­նի ­­Կա­րէն ­­Խան­լա­րեան, որ այ­սօր ալ պատ­գա­մա­ւոր է, բա­ւա­կան ար­դիւ­նա­ւէտ գոր­ծու­նէու­թիւն կը ծա­ւա­լէ: Ա­նոր թեկ­նա­ծու­թիւ­նը կը պաշտ­պա­նէ Հ.Յ.Դ.ն: «­­Հայ թեկ­ն­ծու­նե­րը հիմ­նա­կա­նում վեր են հա­նում հայ հա­մայն­քի խնդիր­նե­րը, ներ­կա­յաց­նում դրանք ­­Մէճ­լի­սում, փոր­ձում ներ­քին խո­ղո­վակ­նե­րով հաս­նել դրանց լուծ­մա­նը»,- ը­սած է Գ.Իս­կան­դա­րեան:

Ի­րա­նի 10րդ ­գու­մար­ման ­­Մէճ­լի­սի ընտ­րու­թիւն­նե­րը պի­տի կա­յա­նան ­­Փետ­րուար 26ին: Ընտ­րու­թիւն­նե­րուն մաս­նակ­ցե­լու ի­րա­ւունք ստա­ցած է 6230 թեկ­նա­ծու, ո­րոնք կը պայ­քա­րին խորհր­դա­րա­նի 290 ա­թո­ռի հա­մար: Ի­րա­նա­գէ­տը ը­սած է, որ նա­խա­պէս 12.000էն ա­ւե­լի քա­ղա­քա­ցի մաս­նակ­ցու­թեան յայտ ներ­կա­յա­ցու­ցած էր, սա­կայն Ի­րա­նի ներ­քին գոր­ծոց նա­խա­րա­րու­թիւ­նը զտած է եւ թոյլ տո­ւած ընտ­րու­թիւն­նե­րուն մաս­նակ­ցե­լու 6230 թեկ­նա­ծո­ւի:

­­Հիմ­նա­կան պայ­քա­րը կ’ըն­թա­նայ պահ­պա­նո­ղա­կան եւ բա­րե­փո­խա­կան թե­ւե­րը ներ­կա­յացնող կու­սակ­ցու­թիւն­նե­րու եւ դա­շինք­նե­րու մի­ջեւ: