Հ­րանտ ­Տինք հիմ­նադ­րա­մը, «­Փոքր Ա­սիոյ մշա­կու­թա­յին ժա­ռան­գու­թիւն» նա­խա­գի­ծով, կա­տա­րած է ցան­կագ­րու­մը հա­յե­րու, յոյ­նե­րու, ա­սո­րի­նե­րու եւ հրեա­նե­րու կող­մէ կա­ռու­ցո­ւած ե­կե­ղե­ցի­նե­րու, սի­նա­կոկ­նե­րու, վան­քե­րու, դպրոց­նե­րու, հի­ւան­դա­նոց­նե­րու ու գե­րեզ­մա­նատ­նե­րու: ­Մօտ 2,5 տա­րի տե­ւած աշ­խա­տանք­նե­րուն իբ­րեւ ար­դիւնք ցու­ցա­կագ­րո­ւած են 10 հա­զա­րի չափ կա­ռոյց­ներ, ո­

րոնց­մէ 4600ը հայ­կա­կան է, 4100ը` յու­նա­կան, 650ը` ա­սո­րա­կան, 300ը` հրէա­կան: ­Հիմ­նադ­րա­մը այս բո­լոր կա­ռոյց­նե­րը նե­րա­ռող քար­տէս կազ­մած է, զոր կա­րե­լի է տես­նել turkiyekulturvarliklari.com կայ­քէ­ջին վրայ:

Աշ­խա­տանք­նե­րը ի­րա­կա­նա­ցու­ցած են հե­տա­զօ­տող­ներ ­Վա­հագն ­Քե­շի­շեան, ­Նո­րա եւ ­Զա­քա­րիա ­Միլ­տա­նօղ­լու­ներ, ­Նո­րայր Օլ­կար, ­Մուս­թա­ֆա ­Պաթ­ման, Էզ­գի ­Տէ­նիզ ­Պերք, ­Մեր­վէ ­Քուրթ, ­Թու­նա ­Պա­շը­բէք եւ այ­լոք:

­Բա­ցի կան­գուն մնա­ցած կա­ռոյց­նե­րէն, հե­տա­զօ­տող­նե­րը կազ­մած են նաեւ ­Փոքր Ա­սիոյ քան­դո­ւած, ա­ւե­րո­ւած, որ­պէս ա­խոռ օգ­տա­գոր­ծո­ւող կամ մզկի­թի վե­րա­ծո­ւած կա­ռոյց­նե­րու ցան­կը: ­Վե­րոնշեալ նա­խա­գի­ծին ա­ջակ­ցած են ­Թուր­քիոյ Եւ­րո­միու­թեան հար­ցե­րով նա­խա­րա­րու­թիւ­նը, «­Բաց հա­սա­րա­կու­թիւն» եւ «Chrest» հիմ­նադ­րամ­նե­րը:

­Թուր­քիոյ քրիս­տո­նէա­կան կա­ռոյց­նե­րուն վե­րա­բե­րեալ նմա­նա­տիպ հա­մա­պար­փակ ու­սում­նա­սի­րու­թիւն ցարդ չէր կա­տա­րո­ւած: ­Հե­տա­զօ­տող­նե­րը նշած են, որ լայ­նօ­րէն օգ­տո­ւած են ե­կե­ղե­ցա­կան մա­տեան­նե­րէն եւ հա­սա­նե­լի բո­լոր աղ­բիւր­նե­րէն: Ու­սում­նա­սի­րու­թիւն­ներ կա­տա­րե­լու հնա­րա­ւո­րու­թիւն ու­նե­ցած են նաեւ ­Թուր­քիոյ կա­ռա­վա­րու­թեան են­թա­կա­յու­թեան տակ գտնո­ւող Օս­մա­նեան Ար­խիւ­նե­րուն մէջ:

Ծ­րագ­րի յա­ջորդ հանգ­րո­ւա­նով կը նա­խա­տե­սո­ւի այ­ցե­լել ­Թուր­քիոյ տար­բեր շրջան­ներ եւ մէկ առ մէկ ստու­գել բո­լոր այն կա­ռոյց­նե­րը, ո­րոնց մա­սին հե­տա­զօ­տող­նե­րը տե­ղե­կու­թիւն­ներ հա­ւա­քած եւ ար­ձա­նագ­րած են: