Հինգ­շաբ­թի՝ 28 Յու­նո­ւար 2016ին, Ան­թի­լիա­սի Մայ­րա­վան­քէն ներս Սու­րիոյ հա­յու­թեան վե­րա­կանգ­նու­մի գծով տե­ղի ու­նե­ցած խորհր­դակ­ցու­թեան որ­պէս շա­րու­նա­կու­թիւն, Ուր­բաթ՝ 29 Յու­նուար 2016ի ա­ռա­ւօ­տուն, Ա­րամ Ա. Կա­թո­ղի­կո­սի նա­խա­գա­հու­թեամբ, տե­ղի ու­նե­ցած է հո­գե­ւոր ա­ռաջ­նորդ­նե­րու հան­

դի­պում, մաս­նակ­ցու­թեամբ Բե­րիոյ Հա­յոց Թե­մի Ա­ռաջ­նորդ Շա­հան Արք. Սար­գի­սեա­նի, Հա­լէ­պի Թե­մի Հայ Կա­թո­ղի­կէ Ա­ռաջ­նորդ Պետ­րոս Արք. Մ­րէա­թեա­նի եւ Սու­րիոյ Հայ Ա­ւե­տա­րա­նա­կան Ե­կե­ղեց­ւոյ Հա­մայն­քա­պետ Վեր. Յա­րու­թիւն Սե­լի­մեա­նի։ Վե­հա­փառ Հայ­րա­պե­տը ընդ­հա­նուր գի­ծե­րով տե­ղեակ պա­հած է հո­գե­ւոր ա­ռաջ­նորդ­նե­րը օր մը ա­ռաջ տե­ղի ու­նե­ցած խորհր­դակ­ցա­կան հան­դիպ­ման քննար­կում­նե­րուն մա­սին։ Ա­րամ Ա. ող­ջու­նած է սու­րիա­կան տագ­նա­պի տա­րի­նե­րուն Սու­րիոյ հա­յու­թեան ցու­ցա­բե­րած միաս­նա­կան ո­գին ու միա­սին խորհր­դակ­ցե­լու եւ աշ­խա­տե­լու յանձ­նա­ռու­թիւ­նը։ Նո­րին Սր­բու­թիւ­նը նաեւ իր գնա­հա­տան­քը յայտ­նած է Սու­րիոյ հա­յու­թեան ի­րենց նիւ­թա­կան ա­ջակ­ցու­թիւ­նը կա­տա­րած բո­լոր կազ­մա­կեր­պու­թիւն­նե­րուն ու հա­յոր­դի­նե­րուն։ Վե­հա­փառ Հայ­րա­պե­տը շեշ­տած է Սու­րիոյ հա­յու­թիւ­նը վե­րա­կանգ­նու­մի ա­ռաջ­նոր­դող նոր ծրա­գիր­նե­րու մշակ­ման անհ­րա­ժեշ­տու­թիւ­նը։ Հո­գե­ւոր ա­ռաջ­նորդ­նե­րը ի­րենց շնոր­հա­կա­լու­թիւ­նը յայտ­նած են Ա­րամ Ա. Կա­թո­ղի­կո­սի, որ անց­նող տա­րի­նե­րու ըն­թաց­քին միշտ զօ­րա­կից դար­ձած է Սու­րիոյ հա­յու­թեան՝ բո­լոր շրջան­նե­րէն ներս, միա­ժա­մա­նակ շնոր­հա­կա­լու­թիւն յայտ­նած են օ­ժան­դակ հան­դի­սա­ցած բո­լոր հա­յոր­դի­նե­րուն։ Ա­պա՝ ե­րեք յա­րա­նուա­նու­թեանց ա­ռաջ­նորդ­նե­րը ի­րենց տե­սա­կէտ­նե­րը պար­զած են վե­րա­կանգ­նու­մի աշ­խա­տանք­նե­րուն եւ ծրա­գիր­նե­րուն վե­րա­բե­րեալ։

Հան­դիպ­ման ա­ւար­տին, հո­գե­ւոր ա­ռաջ­նորդ­նե­րը ճա­շի հիւ­րը ե­ղած են Վե­հա­փառ Հայ­րա­պե­տին։