Շաբաթ, 26 նոյեմբեր 2011-ին, Անթիլիասի մայրավանքին մէջ, նախագահութեամբ Արամ Ա. կաթողիկոսին, տեղի ունեցաւ միջ-եկեղեցական հանդիպում: Սոյն հանդիպման մասնակցեցան Միջին Արեւելքի եկեղեցիներու խորհուրդի ընդհանուր քարտուղար տոքթ. Կրկես Սալեհ, ասորի եկեղեցւոյ ներկայացուցիչ մետրոպոլիտ Ժորժ Սալիպա, իսկ հայ եկեղեցիէն Նարեկ արք. Ալեէմեզեան՝ վարիչ կաթողիկոսարանի Միջ-եկեղեցական բաժանմունքին:
Հանդիպման ընթացքին քննարկուեցան յառաջիկայ շաբաթ Կիպրոսի մէջ տեղի ունենալիք խորհուրդի համաժողովին օրակարգի նիւթերը: