«Ո՞վ սպան­նեց հա­յե­րը». Հա­յոց Ցե­ղաս­պա­նու­թեան մա­սին ա­րա­բե­րէն ա­ռա­ջին վա­ւե­րագ­րա­կան ժա­պա­ւէ­նը պի­տի ներ­կա­յա­ցո­ւի Նիւ Եոր­քի «Socially Relevant Film» շար­ժան­կա­րի փա­ռա­տօ­նին` խա­ղար­կա­յին-վա­ւե­րագ­րա­կան ժա­պա­ւէն ա­նո­ւա­նա­կար­գին մէջ: Այս մա­սին, ըստ «­Հա­յերն Այ­սօր»ի, կը տե­ղե­կաց­նէ Ե­գիպ­տո­սի Հայ Դա­տի Յանձ­նա­խում­բի ան­դամ Ար­մէն Մազ­լու­մեան:

«Ո՞վ սպան­նեց հա­յե­րը» ժա­պա­ւէ­նը նկա­րա­հա­նած են բե­մադ­րիչ Մու­հա­մատ Հա­նա­ֆի եւ լրագ­րող-հա­ղոր­դա­վար Մա­րիամ Զա­քի: Ժա­պա­ւէ­նին մէջ ներ­կա­յա­ցո­ւած է 100 տա­րի ա­ռաջ թուր­քե­րու կող­մէ ի­րա­կա­նա­ցո­ւած Հա­յոց Ցե­ղաս­պա­նու­թիւ­նը: Ժա­պա­ւէ­նին մէջ կը ներ­կա­յա­ցո­ւին բազ­մա­թիւ ար­խի­ւա­յին նիւ­թեր եւ լու­սան­կար­ներ, ո­րոնց­մէ շա­տե­րը կը հրա­պա­րա­կո­ւին ա­ռա­ջին ան­գամ ըլ­լա­լով եւ կը հաս­տա­տեն 1915ի Ցե­ղաս­պա­նու­թեան ի­րո­ղու­թիւ­նը: Իսկ վե­րապ­րած­նե­րու վկա­յու­թիւն­նե­րը կը հաս­տա­տեն, որ թուր­քե­րու կող­մէ ի­րա­կա­նա­ցո­ւած Ցե­ղաս­պա­նու­թիւ­նը նա­խա­պէս ծրագ­րո­ւած ե­ղած է պե­տա­կա­նօ­րէն: Ն­կա­րա­հա­նում­նե­րը ի­րա­կա­նա­ցո­ւած են Հա­յաս­տա­նի, Ե­գիպ­տո­սի եւ Լի­բա­նա­նի մէջ:

Ժա­պա­ւէ­նին անդ­րա­նիկ ցու­ցադ­րու­թիւ­նը տե­ղի ու­նե­ցած է Նո­յեմ­բեր 8ին, Գա­հի­րէի մէջ: