«Հորիզոն» շաբաթաթերթը կը գրէ, որ Ասորական Միջազգային Լուրեր գործակալութիւնը հրապարակած է, Սուրիոյ մէջ, Իսլամական Պետութիւն (Ի.Պ.) ահաբեկչական խմբաւորման եւ այլ մահմետական ծայրայեղական խմբաւորումներու կողմէ ոչնչացուած քրիստոնէական եկեղեցիներուն ցանկը: Ըստ շաբա թաթերթին` ահաբեկիչները ոչնչացուցած են նաեւ 4 հայկական եկեղեցի:
Ապրիլ 28ին Ի.Պ. ռմբակոծած է Հալէպի հայկական եկեղեցին, 2014 թուականի Սեպտեմբերին Ի.Պ.ի կողմէ ոչնչացուած է Տէր Զօրի Հայոց Ցեղասպանութեան յիշատակի եկեղեցին, Ռաքքայի հայկական կաթողիկէ Նահատակաց եկեղեցին այրուած է Իսլամական Պետութիւն ահաբեկչական խմբաւորման կողմէ, իսկ խաչը հեռացուած է ժամատան գագաթէն:
Խմբաւորումը այրած է նաեւ Թալ Ապեատի հայկական Սուրբ Խաչ եկեղեցին: Յիշեցընենք, որ 2014ին զինեալ խմբաւորումներու կողմէ Քեսապի գրաւման ընթացքին իսլամ ծայրայեղականները այրած եւ կողոպտած են Քեսապի հայկական եկեղեցիները: