­Սու­րիոյ նա­խա­գահ Պաշ­շար ալ Ա­սատ Մա­յիս 6-ին, Նա­հա­տակ­նե­րու օ­րուան ա­ռի­թով իր ե­լոյ­թին, խօ­սած է Հա­յոց Ցե­ղաս­պա­նու­թեան մա­սին: Այս մա­սին կը յայտ­նէ սու­րիա­կան ՍԱՆԱ գոր­ծա­կա­լու­թիւ­նը։

Պաշ­շար ալ Ա­սատ նշած է, որ 1915-ին սկսած եւ 1916-ին իր գա­գաթ­նա­կէ­տին հա­սած օս­ման­ցի­նե­րու յան­ցա­գոր­ծու­թիւն­նե­րը կը շա­րու­նակուին ա­ռայ­սօր: Հա­րիւր տա­րի ա­ռաջ Օս­մա­նեան կայս­րու­թիւ­նը ձեր­բա­կա­լեց եւ կա­խա­ղան բարձ­րա­ցուց մեծ թի­ւով սու­րիա­ցի ազ­գայ­նա­կան­ներ, ո­րոնք կը պաշտպա­նէին Սու­րիոյ ժո­ղո­վուր­դը օս­ման­ցի­նե­րու ոտնձ­գու­թիւն­նե­րէն: Ոճրա­գոր­ծու­թիւ­նը տա­րածուե­ցաւ` ընդգր­կե­լով մի­լիո­նա­ւոր հա­յեր, ա­րա­մէա­ցի­ներ եւ այլ ազ­գեր, ո­րոնք այն ժա­մա­նակ բնա­կած են Օս­մա­նեան իշ­խա­նու­թեան տակ:

“Այ­սօր կը կրկնո­ւին այդ յան­ցա­գոր­ծու­թիւն­նե­րը նոյն կերպ, սա­կայն տար­բեր ա­նուն­նե­րով ու գոր­ծիք­նե­րով”,- նշած է Ա­սատ` ա­ւելցը­նե­լով, որ հա­րիւր տա­րի ա­ռաջ դա­հի­ճը Ճե­մալ Փա­շան էր, իսկ այ­սօր` Էր­տո­ղա­նը: Ա­սա­տի խօս­քով Ճե­մալ փա­շա­յի հե­տե­ւոր­դը Էր­տո­ղանն է, որ կ’ա­ջակ­ցի Սու­րիոյ մէջ գոր­ծող զի­նո­ւած խմբա­ւո­րում­նե­րուն, ո­րոնք տար­բեր յան­ցա­գոր­ծու­թիւն­ներ կ’ի­րա­կա­նաց­նեն Սու­րիոյ խա­ղաղ բնակ­չու­թեան դէմ: Նա­խա­գա­հը վստա­հօ­րէն շեշ­տած է, որ սու­րիա­կան բա­նա­կը պի­տի յաղ­թէ պա­տե­րազ­մը: Ան խոս­տա­ցած է ամ­րապն­դել ու­ժե­րը Իտ­լիպ նա­հան­գի մէջ, ուր թէժ մար­տեր կ’ըն­թա­նան կա­ռա­վա­րա­կան ու­ժե­րու եւ “­Ճէյշ ալ ֆաթհ” ծայ­րա­հե­ղա­կան խմբա­ւոր­ման մի­ջեւ:

Նա­հա­տակ­նե­րու օ­րո­ւան ա­ռի­թով՝ Սու­րիոյ նա­խա­գահ Պաշ­շար ալ Ա­սատ այ­ցե­լած է ռազ­մա­կան ու­սում­նա­րան, ուր ու­սում կը ստա­նան զոհուած հե­րոս­նե­րու զա­ւակ­նե­րը: Ն­շենք, որ Ապ­րիլ 24-ին, Ե­րե­ւա­նի մէջ տե­ղի ու­նե­ցած Հ. Ցե­ղաս­պա­նու­թեան 100-րդ տա­րե­լի­ցի ձեռ­նարկ­նե­րուն ի­րենց մաս­նակ­ցու­թիւ­նը բե­րած էր սու­րիա­կան պա­տո­ւի­րա­կու­թիւ­նը` Սու­րիոյ խորհր­դա­րա­նի նա­խա­գահ Մու­համ­մատ Ճի­հատ ալ Լահ­հա­մի գլխա­ւո­րու­թեամբ: