Ծա­ռա­տուն­կի խոր­հուր­դը նոյն ինքն կեանքն է. կեան­քի շա­րու­նա­կա­կա­նու­թիւ­նը եւ միաս­նու­թիւ­նը: Ծա­ռա­տուն­կի պահն իսկ միաս­նու­թիւն կը խորհր­դան­շէ եւ Հա­յոց Ցե­ղաս­պա­նու­թեան 100ա­մեա­կի Թեհ­րա­նի յանձ­նա­խում­բին կող­մէ յայ­տա­րա­րո­ւած հա­մա­հա­մայն­քա­յին ծա­ռա­տուն­կը,

«­Սո­հա­նաք» այ­գիին մէջ, մէկ ան­գամ եւս հա­մախմ­բեց մեզ: Իւ­րա­քան­չիւ­րին հոն բե­րած էր խոր­հուրդ մը՝ Հա­յոց Ցե­ղաս­պա­նու­թեան յի­շո­ղու­թեան խոր­հուր­դը: Եւ յե­տայ­սու այդ այ­գիի գողտ­րիկ ան­կիւ­նի մը մէջ իր ու­րոյն տե­ղը կ’ու­նե­նայ մեր Բիւ­րա­ւոր Նա­հա­տակ­նե­րու յի­շա­տա­կը յա­ւեր­ժաց­նող ծա­ռու­ղին։ Այս մա­սին «Ե­ռա­գոյն»ին հա­ղոր­դած է Ի­րա­նի «Ա­լիք» օ­րա­թեր­թի լրագ­րո­ղը։

Ծա­ռա­տուն­կի ըն­թաց­քին, այ­գիին մէջ տնկո­ւե­ցան 100ը խորհր­դան­շող նոյն­քան շի­ւեր, եւ ձեռ­նար­կին ներ­կայ Թեհ­րան նա­հան­գի Բ­նա­կան Պա­շար­նե­րու եւ Ջ­րօգ­տա­գործ­ման ընդ­հա­նուր վար­չու­թեան տեխ­նի­քա­կան գծով փոխ-տնօ­րէն Հաղ­ղա­նին, իր խօս­քի մէջ բարձր գնա­հա­տե­լով ձեռ­նար­կի գա­ղա­փա­րը, նշեց, որ կրնանք ծա­ռու­ղիի մուտ­քին տե­ղադ­րել յու­շա­տախ­տակ մը, ուր կը յի­շա­տա­կո­ւի, որ այս պու­րա­կը նո­ւի­րո­ւած է Հայ Նա­հա­տակ­նե­րու յի­շա­տա­կին:

Թեհ­րա­նի Ան­տառ­նե­րու եւ Ա­րօ­տա­վայ­րե­րու Պահ­պան­ման վար­չու­թեան՝ «­Վա­լիէ ֆա­ղիհ»ի ներ­կա­յա­ցու­ցիչ հոջ. Մո­հա­բաթ Էս­լամ Սա­լա­րին եւս, բարձր գնա­հա­տե­լով նա­խա­ձեռ­նու­թիւ­նը, խո­տա­ցաւ, որ ա­նի­կա պի­տի ար­ժա­նա­նայ յա­տուկ ու­շադ­րու­թեան եւ խնամ­քի, միա­ժա­մա­նակ՝ ան յոր­դո­րեց, որ յա­ճախ մենք ալ այ­ցե­լենք ու խնա­մենք նո­րա­տունկ շի­ւե­րը:

Հա­յոց Ցե­ղաս­պա­նու­թեան 100րդ տա­րե­լի­ցի Թեհ­րա­նի յանձ­նա­խում­բին ա­նու­նով ար­տա­յայ­տո­ւե­ցաւ յանձ­նա­խում­բի ան­դամ Վա­հիկ Ա­ղա­քեան, որ իր խօս­քին մէջ ի մաս­նա­ւո­րի շնոր­հա­կա­լու­թիւն յայտ­նեց պատ­կան մար­մին­նե­րուն, ո­րոնք ա­ռի­թը ըն­ծա­յե­ցին 100րդ տա­րե­լի­ցին ա­ռի­թով ի­րա­կա­նաց­նե­լու ծա­ռա­տուն­կը, եւ յոյս յայտ­նեց, որ այս հա­մա­գոր­ծակ­ցու­թիւ­նը շա­րու­նա­կա­կան պի­տի ըլ­լայ:

Ա­ւար­տին, ներ­կա­նե­րէն իւ­րա­քան­չիւ­րը իր տնկած ծա­ռին հետ ձգեց իր հո­գիին մէկ մաս­նի­կը՝ յու­սա­լով, որ տնկի­նե­րը շու­տով պի­տի դառ­նան սա­ղար­թա­խիտ ծա­ռեր ու յա­ւեր­ժաց­նեն խո­րա­խոր­հուրդ՝ մե­զի հա­մար ան­մահ մեր Նա­հա­տակ­նե­րուն յի­շա­տա­կը: