Հ.Հ. սփիւռ­քի նա­խա­րա­րու­թեան «­Մեր ­Մե­ծե­րը» ծրագ­րի ծի­րէն ներս, նա­խա­րա­րու­թեան աշ­խա­տա­կազ­մի ղե­կա­վա­րի տե­ղա­կալ Է. ­Սի­մո­նեա­նի գլխա­ւո­րած պա­տո­ւի­րա­կու­թեան եւ ­Սու­րիա­հա­յե­րու ­Հիմ­նախն­դիր­նե­րը ­Հա­ մա­կար­գող ­Կեդ­րո­նի (Հ.Կ.) աշ­խա­տա­կից­նե­րուն ու­ղեկ­ցու­թեամբ, սու­րիա­հայ պա­տա­նի­ներ ու աղ­ջիկ­ներ այ­ցե­լե­ցին ­Նու­բա­րա­շէ­նի «­Փոքր Մ­հեր» կրթա­հա­մա­լի­րը, ուր ա­նոնց սի­րով եւ ջեր­մու­թեամբ ըն­դու­նեց կրթա­հա­մա­լի­րի անձ­նա­կազ­մը: Ող­ջու­նե­լով հիւ­րե­րը` «­Փոքր Մ­հեր» կրթա­հա­մա­լի­րի մաս­նա­ճիւ­ղի ղե­կա­վար Ար­ման ­Միր­զո­յեան եւ կրթա­հա­մա­լի­րի փոխ-տնօ­րէն ­Նա­յի­րա ­Դաւ­թեան ճա­նա­չո­ղա­կան շրջայց կազ­մա­կեր­պե­ցին` ծա­նօ­թաց­նե­լով կրթա­հա­մա­լիր յա­ճա­խող­նե­րու սո­ցիալ-կեն­ցա­ղա­յին պայ­ման­նե­րուն եւ ու­սում­նա­ռու­թեան ըն­թաց­քին: Այ­նու­հե­տեւ, կրթա­հա­մա­լի­րի հայ­կա­զուն­նե­րը թա­տե­րա­կա­նա­ցո­ւած դրո­ւագ­նե­րու, ազ­գագ­րա­կան եր­գե­րու, աս­մուն­քի մի­ջո­ցով ներ­կա­յա­ցու­ցին հայ ազ­գա­յին-ա­զա­տագ­րա­կան շարժ­ման ա­կա­նա­ւոր գոր­ծիչ, մեծ զօ­րա­վար Անդ­րա­նիկ Օ­զա­նեա­նի ապ­րած կեան­քը եւ ան­ցած մար­տա­կան ու­ղին: ­Դահ­լի­ճին մէջ կ’իշ­խէր հա­յու­թեան հզօր ո­գին, պայ­քա­րի ու յաղ­թա­նա­կի ար­ժա­նա­ւոր հայ զի­նո­ւոր եւ պե­տա­կա­նու­թեան անն­կուն պաշտ­պան ըլ­լա­լու պատ­րաս­տա­կա­մու­թիւ­նը: ­Զօ­րա­վար Անդ­րա­նի­կին նո­ւի­րո­ւած ստեղ­ծա­գոր­ծու­թիւն­նե­րով հան­դէս ե­կան նաեւ սու­րիա­հայ ա­շա­կերտ­նե­րը: Ամ­փո­փե­լով ձեռ­նար­կը` «­Փոքր Մ­հեր» կրթա­հա­մա­լի­րի տնօ­րէն գնդա­պետ Ս. ­Մու­րա­դեան շնոր­հա­կա­լու­թիւն յայտ­նեց կազ­մա­կեր­պիչ­նե­րուն, մա­տաղ սե­րուն­դին մէջ հայ­րե­նա­սի­րու­թիւն սեր­մա­նե­լու, ամ­րապն­դե­լու եւ ո­գե­ւո­րե­լու հա­մար, ինչ­պէս նաեւ յոր­դո­րեց նման ձեռ­նարկ­ներ պար­բե­րա­բար ի­րա­կա­նաց­նել: Հ.Հ. սփիւռ­քի նա­խա­րա­րու­թեան աշ­խա­տա­կից­նե­րը շնոր­հա­կա­լու­թիւն յայտ­նե­ցին ջերմ ըն­դու­նե­լու­թեան հա­մար եւ կրթա­հա­մա­լի­րին յանձ­նե­ցին գիր­քեր եւ խտա­սա­լիկ­ներ:

­Ձեռ­նար­կի գե­ղա­րո­ւես­տա­կան մա­սին յա­ջոր­դեց մար­տա­կան վար­ժանք­նե­րու ցու­ցադ­րու­թիւն. հայ­կա­զուն­նե­րը սու­րիա­հայ ա­շա­կերտ­նե­րուն ցու­ցադ­րե­ցին ատր­ճա­նակ­նե­րու քան­դել-հա­ւա­քե­լու հմտու­թիւն­նե­րը:

­Զօ­րա­վար Անդ­րա­նի­կի ծննդեան 150ա­մեա­կին նո­ւի­րո­ւած ձեռ­նարկ­նե­րու ծի­րէն ներս ­Սու­րիա­հա­յե­րու ­Հիմ­նախն­դիր­նե­րը ­Հա­մա­կար­գող ­Կեդ­րո­նի եւ Հ.Հ. սփիւռ­քի նա­խա­րա­րու­թեան աշ­խա­տա­կից­նե­րու ու­ղեկ­ցու­թեամբ սու­րիա­հայ ա­շա­կերտ­նե­րը ­Փետ­րո­ւար 24ին այ­ցե­լած էին «­Զօ­րա­վար Անդ­րա­նիկ ­Թան­գա­րան»ը եւ ­Կո­մի­տա­սի ա­նո­ւան պան­թէոն: ­Թան­գա­րա­նի վա­րիչ ­Սե­դա ­Կա­րա­պե­տեան ե­րե­խա­նե­րուն ծա­նօ­թա­ցու­ցած էր թան­գա­րա­նի հիմ­նադր­ման պատ­մու­թեան, ա­պա ներ­կա­յա­ցու­ցած` զօ­րա­վա­րի կեանքն ու գոր­ծու­նէու­թիւ­նը: