­Հ.Յ.Դ. Ա­մե­րի­կա­յի Հայ Դա­տի Յանձ­նա­խում­բը կոչ ուղ­ղած է նա­խա­գահ Պա­րաք Օ­պա­մա­յին՝ խախ­տե­լու լռու­թիւ­նը Ա­լիե­ւեան նա­խա­յար­ձակ­ման նկատ­մամբ: Յանձ­նա­խում­բը նաեւ խստօ­րէն քննա­դա­տած է Հա­յաս­տա­նի եւ Ար­ ցա­խի դէմ ուղ­ղո­ւած Իլ­համ Ա­լիե­ւի ա­տե­լու­թեամբ լե­ցո­ւած յայ­տա­րա­րու­թիւն­նե­րը եւ, վեր­ջերս, Հ.Հ. նա­խի­ջե­ւա­նեան սահ­մա­նին հրա­դա­դա­րի խախ­տու­մը, ո­րուն հե­տե­ւան­քով հայ զի­նո­ւոր մը զոհուած էր: «­Փաս­տերն ա­ւե­լի քան ակ­նա­ռու են, ինչ­պէս նաեւ Օ­պա­մա­յի վար­չա­կազ­մի ա­պա­կա­ռու­ցո­ղա­կան վար­քա­գի­ծը, ո­րով ա­նի­կա կը հրա­ժա­րի հա­կադ­րո­ւե­լէ նա­խա­գահ Ա­լիե­ւի նա­խա­յար­ձա­կու­մին:

Յու­նիս 25ին Ա­լիեւ բա­ցա­յայ­տօ­րէն խօ­սե­ցաւ Նա­խի­ջե­ւա­նի սահ­մա­նի յար­ձակ­ման մա­սին` յայ­տա­րա­րե­լով, թէ Հա­յաս­տան ատր­պէ­յճա­նա­կան տա­րածք է: Մէկ օր անց, ար­ձա­գանգ չստա­նա­լով մի­ջազ­գա­յին հան­րու­թեան կող­մէ, ան ի­րա­գոր­ծեց իր սպառ­նա­լիք­նե­րը, ո­րուն հե­տե­ւան­քով զո­հո­ւե­ցաւ Ար­ման Եփ­րե­մեան»,- նշած է, Հայ Դա­տի Յանձ­նա­խում­բի գոր­ծա­դիր տնօ­րէն Ա­րամ Համ­բա­րեան: Ա­նոր խօս­քով` Ա.Մ.Ն. եւ Ե.Ա.Հ.Կ. ձա­խո­ղած են ատրպէյ­ճա­նա­կան ա­հագնա­ցող նա­խա­յար­ձա­կու­մին վճռա­կան հա­կա­հա­րո­ւած տա­լու գոր­ծին մէջ: Ատր­պէյ­ճա­նա­կան կող­մը Յու­նիս 26ին, ժա­մը 18:30ի մօտ, կրա­կած է Հա­յաս­տան-­Նա­խի­ջե­ւա­նեան սահ­մա­նի Սիւ­նի­քի մար­զի Գոր­հայք բնա­կա­վայ­րի հայ­կա­կան դիր­քե­րու ուղ­ղու­թեամբ`կի­րա­ռե­լով նաեւ մեծ տրա­մա­չա­փի զէն­քեր: Հայ­կա­կան կող­մի պա­տաս­խան կրա­կէն ետք հա­կա­ռա­կոր­դը կրած է բազ­մա­թիւ կո­րուստ­ներ, սա­կայն մար­տի ըն­թաց­քին ցա­ւօք զո­հո­ւած է­նաեւ Հ.Հ. Զ.ՈՒ. զին­ծա­ռա­յող շար­քա­յին պայ­մա­նագ­րա­յին Ար­ման Մա­յիս Եփ­րե­մեան` ծնեալ 1987ին: