- Ալավերտի քաղաքին կեդրոնը, Դեբեդ գետին վրայ կը բարձրանայ միջնադարեան Հայաստանի ճարտարապետական հոյակապ կոթողներէն Սանահինի կամուրջը, 12րդ դարուն վերջերը կառուցուած Իվանէ եւ Զաքարէ Զաքարեաններու քրոջ՝ Վանէնի թագուհիին կողմէ։ Ահա շուրջ ութ հարիւր տարի է, որ այս կամուրջին վրայ երթեւեկութիւնը կը շարունակուի։ Սեւակուճէ կառուցուած, 62 մեթր երկարութեամբ այս կամուրջը՝ դիմացած է դարերու փոթորիկներուն եւ հեղեղներուն։ 1195ին, Աղա Մահմէտ խանին հրոսակները կþոչնչացնեն կամուրջի արձանագիր խաչքարին այն մասը, ուր գրուած էր շինութեան թուականը։ Պատմական այդ յուշարձանին պահպանումը ապահովելու նպատակով, վերջերս արգիլած են ինքնաշարժներու եւ առ հասարակ ամէն տեսակի մեքենաներու երթեւեկը կամուրջին վրայ։ Ալասանդցիները կազմած են նաեւ Հայաստանի ամէնէն երկարակեաց այս կամուրջին վրայէն անցած նշանաւոր մարդոց անուանացանկը, որուն մէջ կը գտնուին նաեւ Սայաթ Նովա եւ Յովհ. Թունմանճեան։
- Պոլսահայ երիտասարդ դաշնակահարուհի Անի Կազեր (Ղազարեան) փայլուն յաջողութեամբ նուագած է Գորթօ սրահին մէջ, Արուսետի եւ Գրականութեան Բարեկամներու Ակումբին կողմէ կազմակերպուած նուագահանդէսի ընթացքին։