Հայաստանի Հանրապետութեան արտաքին գործերու նախարար՝ Էդուարդ Նալպանտեան պաշտօնական այցով Թեհրան գտնուեցաւ:
Ան Մայիս 5-ին հանդիպած է Իրանի բարձրաստիճան պաշտօնեաներու հետ, ապա նաեւ Նալպանտեան հանդիպում ունեցած է Իրանի նախագահ Հասան Ռոհանիի հետ: Այս մասին կը յայտնէ ՀՀԱԳՆ-ի մամլոյ ծառայութիւնը։
Հայաստանի արտաքին գործոց նախարարը ողջունելով՝ Իրանի նախագահը ըսած է, որ երկու երկիրները 20 տարուան ընթացքին իրենց յարաբերութիւններու մէջ լաւ ձեռքբերումներ ունեցած են, բազմաթիւ համատեղ ծրագիրներ իրականացուցած են եւ կայ երկուստեք ցանկութիւն առաւել ընդլայնելու համագործակցութիւնը։
Էդուարդ Նալպանտեան Իրանի նախագահ Հասան Ռոհանիին փոխանցած է ՀՀ նախագահ Սերժ Սարգսեանի ուղերձը եւ Երեւան այցելե- լու հրաւէրը:
Իրանցի իր պաշտօնակից Մոհամատ Ճաւադ Զարիֆի հետ Նալպանտեան քննարկած է հայ-իրանական համատեղ ծրագիրները, ինչպէս՝ Հայաստան-Իրան բարձր «վոլթով» ելեկ-տրահաղորդման երրորդ գիծի, Մեղրիի հիտրոէլեկտրակայեանի, Իրան-Հայաստան երկաթագիծի կառուցման նախագիծերու իրականացման հարցերը:
Արտաքին գործոց նախարար Է. Նալպանտեան հանդիպած է նաեւ Իրանի խորհրդարանի նախագահ Ալի Լարիճանիի հետ: