ՄԱԿի Մարդկային իրաւունքներու խորհուրդը իր 22րդ նստաշրջանին ընթացքին վաւերացուցած է Հայաստանի նախաձեռնութեամբ առաջադրուած ցեղասպանութեան կանխարգիլման վերաբերեալ բանաձեւը. այս մասին նշուած է Հայաստանի արտաքին գործոց նախարարութեան կողմէ պատրաստուած 2013ի իրագործումներու տեղեկագիրին մէջ:

Ըստ Հայաստանի արտաքին գործոց նախարարութեան՝ Հայաստանի դիւանագիտական ներկայացուցչութիւններուն կողմէ կը շարունակուին աշխատանքներ իրականացուիլ՝ ի կատարումն Ցեղասպանութեան 100ամեակի միջոցառումներու կազմակերպման պետական յանձնաժողովի ստեղծման մասին ՀՀ նախագահի հրամանագիրին:
Բազմաթիւ երկիրներու մէջ վաւերացուած են Ցեղասպանութեան 98ամեակի ոգեկոչման եւ յիշատակի հարիւրաւոր միջոցառումներ, ինչպէս նաեւ կազմակերպուած են խորհրդաժողովներ եւ ցուցահանդէսներ: