ՀՅԴ Գերագոյն մարմնի Յունուար 13-ին կայացած նիստին որոշուած է, որ ԱԺ պատգամաւոր Վահան Յովհաննիսեանը ԱԺ ՀՅԴ խմբակցութենէն ներս կը փոխարինուի միքայէլ Մանուկեանով։ Այս մասին կը յայտնէ Yerkir.am-ը:

Վահան Յովհաննիսեան նախագահ Սերժ Սարգսեանի հրամանագիրով նշանակուած է Գերմանիոյ մէջ Հայաստանի արտակարգ եւ լիազօր դեսպան:
Միքայէլ Մանուկեան ծնած է 1967-ի Ապրիլ 10-ին Երեւան: 1986-ին աւարտած է Երեւանի Թերլեմեզեանի անուան գեղարուեստի ուսումնարանի գեղարուեստական ձեւաւորում բաժանմունքը, 2006-ին՝ Պետական մանկավարժական ինստիտուտը:
1992-2002 եղած է “ Երկիր” օրաթերթ թղթակից, 2002`ՀՅԴ Գերագոյն մարմնի՝ կուսակցական կազմակերպական աշխատանքներու պատասխանատու:
Պարգեւատրուած է ԼՂՀ “Շուշիի ազատագրման համար”, “Մարշալ Բաղրամեան” եւ ԼՂՀ “մարտական ծառայութեան” մետալներով:
2002-2007 եւ 2010-էն մինչ օրս ՀՅԴ Գերագոյն մարմնի նախագահն է:
2007-ի Մայիս 12-ին Ազգային ժողովի պատգամաւոր ընտրուած է համամասնական ընտրակարգով ՀՅԴ կուսակցութենէն:
Ամուսնացած է, ունի երեք երեխայ: