ԼՂՀ ԱԳՆ նախկին նախարար Գէորգի պետրոսեանի ելոյթը
ԼՂՀ ԱԳՆ 20-ամեակի նուիրուած հանդիսաւոր ձեռնարկի ժամանակ
Լեռնային Ղարաբաղի Ինքնավար մարզի մէջ չկար բանակ եւ չկար արտաքին գործ: Այսօր այդ երկու կառոյցի վրայ դրուած է բաւականին մեծ պատասխանատուութիւն: Բանակը կատարում է իր պարտականութիւնները, բայց դրա հիմքում ժողովրդին ծառայելն է:
Եւ այս տարիների ընթացքում կարծում եմ, թէ բանակը, թէ արտաքին գործերի նախարարութեան անձնակազմը պատուով ծառայել են այս ժողովրդին եւ հիմնականը, որ մենք կարող ենք անել‘ շարունակել, հասկանալով, որ ծառայութիւնը շատ ծանր է, շատ պատասխանատու է եւ այդ տեսակէտից բոլոր հնարաւորութիւնները Լեռնային Ղարաբաղի Հանրապետութիւնում ստեղծուած է արտաքին գործերի նախարարութեան եւ բանակի համար:
Կարելի է գնահատել, որ դա քիչ է, կարելի է մտածել, որ աւելին պէտք է անել, բայց կարծում եմ, որ սա հիմնականում կատարուել է: Ինչ վերաբերւում է ընդհանուր քաղաքականութեանը, ապա պէտք է ցանկանայի, որ քաղաքականութիւնը լինի հաւասարակշռուած, իսկ դիւանագիտական քաղաքականութիւնը մի քիչ էլ յարձակողական, ոչ թէ հակայարձակողական, այլ ուղղակի յարձակողական, որովհետեւ մեր թիկունքում մեր ժողովուրդն է, մեր թիկունքում հայութիւնն է եւ մենք անպայման յաղթահարելու ենք բոլոր դժուարութիւնները եւ յաղթանակը Լեռնային Ղարաբաղի Հանրապետութեան արտաքին գործերի նախարարութեան եւ, ընդհանրապէս, հայկական իւանագիտութեան‘ դեռ առջեւում է: aparaj.am