Աբովեան քաղաքի նորակառոյց Սուրբ Յովհաննէս Մկրտիչ եկեղեցւոյ բացման ներկայ էին Հայաստանի հոգեւոր բարձրաստիճան պաշտօնեաներն ու քաղաքական վերնախաւը:
7 տարի առաջ դրուեցան եկեղեցւոյ հիմքերը, ու հիմա հանդիսաւորութեամբ բացումը կը կատարուի: Եկեղեցւոյ կառուցումը հովանաւորած ԲՀԿ առաջնորդ Գագիկ Ծառուկեանի հրաւէրով բազմաթիւ հիւրեր կը մասնակցէին արարողութեան: Հայաստանի՝ հրաւիրուած 3 նախագահներէն ներկայ էին միայն Սերժ Սարգսեան ու Ռոպերթ Քոչարեանը, Պելառուսի նախագահ Ալեքսանդր Լուկաշենկոն, քաղաքական ու հասարակական գործիչներ:
Գագիկ Ծառուկեան ըսաւ, որ եկեղեցւոյ կառուցման տարիներուն հպարտացել է դրած ամէն նոր քարով, մտահոգուիլ խոչընդոտներով: Այսօր եկեղեցին կը յանձնուի իրական տիրոջը՝ ժողովուրդին:
«Թող այս եկեղեցու կառուցումը դառնայ բարութեան, հանդուրժողականութեան, 
ազնուութեան, սիրոյ մի ազդակ բոլոր հայերի համար: Սա է լինելու այս եկեղեցում իմ առաջին խնդրանքն Աստծուն»,- ըսաւ Գագիկ Ծառուկեանը։
Օծման կարգը կատարեց Ամենայն Հայոց կաթողիկոս Գարեգին 2-րդը: Վեհափառ հայրը նախ օծեց Սուրբ Սեղանը, որու վրայ այսուհետ Սուրբ Պատարագ կը մատուցուի:
16 եպիսկոպոսները օծեցին 12 առաքեալներու եւ 4 աւետարանիչներու անունները կրող սիւները, մկրտութեան աւազանը: Գարեգին 2-րդը Էջմիածինէն բերուած Սուրբ Յովհաննէս Մկրտիչի մասունքով օրհնեց արարողութեան մասնակիցներուն, հովանաւորին: Ի դէպ, սուրբի մասունքէն մասնիկ մը այսուհետ կ'ամփոփուի եկեղեցւոյ մէջ:
Մինչ օրս Աբովեան քաղաքի միակ եկեղեցին 16-րդ դարի Սուրբ Ստեփանոսն էր: Կոտայքի թեմի առաջնորդը նշեց, որ նոր եկեղեցւոյ կառուցումը անհրաժեշտ էր քաղաքին: Ճարտարապետը Արտակ Ղուլեանն է:
Եկեղեցւոյ բացման ներկայ էին բազմաթիւ հաւատացեալներ ոչ միայն Աբովեան քաղաքէն: Օծուած եկեղեցւոյ մէջ շուտով կը նշանակուի քահանայ, եւ արդէն Կիրակի օրը Սուրբ Յովհաննէս Մկրտիչ եկեղեցւոյ մէջ պիտի մատուցուի պատարագ։