ՍԴ կը յայտարարէ թէ որեւէ հիմք չկայ ընտրութիւններու արդիւնքը խախտելու համար
Րաֆֆի Յովհաննիսեանը երէկ 12 Փետրուարին, Երեւանի «Ազատութեան» հրապարակին վրայ հրաւիրուած մամլոյ ասուլիսին ընթացքին, անգամ մը եւս կրկնեց որ ինք պատրաստ է հանդիպելու նախագահ Սերժ Սարգսեանին հետ եւ իր հետ քննարկելու յետընտրական զարգացումները:
Ան ըսաւ թէ 1995 թուականէն ի վեր Հայաստանի մէջ չէ եղած ժողովրդական իշխանութիւն, աւելցնելով թէ ինք յոյս կը կապէ Սահմանադրական դատարանի որոշման հետ: «Իրական պատկերը ներկայացնելու եզակի հնարաւորութիւն ունի ՍԴ եւ կրնայ նախադէպային վճիռ հրապարակել» ըսաւ ան:
Մինչ այդ, ՍԴ կը շարունակէ քննել Ր. Յովհաննիսեանի եւ Անտրէաս Ղուկասեանի դիմումները: Հակառակ որ ՍԴ նախագահը նշած է թէ որեւէ հիմք չկայ ընտրութիւններու արդիւնքը խախտելու համար, յստակացուցած է թէ օրէնքով սահմանուած ժամկէտով պիտի աւարտի գործի քննութիւնը՝ այսինքն վաղը առաւօտեան: