Դեկտեմբեր 2012-ի դրութեամբ Հայաստանի մէջ աշխատանք կը փնտռէ 73 հազար մարդ:

Այս մասին՝ ըստ panaramenian.net-ի՝ ասուլիսի ժամանակ նշած է Հայաստանի Զբաղուածութեան պետական ծառայութեան պետ Սոնա Յարութիւնեանը, որ քանի մը օր առաջ նշանակուած է Աշխատանքի եւ ընկերային հարցերու նախարարութեան փոխ նախարար: Անոր խօսքով՝ աշխատանք փնտռողներու թիւը նախորդ տարուան համեմատ նուազած է 13.4%-ով (82,8 հազ. մարդ), իսկ գործազուրկներու թուաքանակը կը կազմէ աշխատանք փնտռողներու 85.9%-ը կամ 62,7 հազ. մարդ: Ըստ որուն՝ այդ ցուցանիշը, Յարութիւնեանի խօսքով, նախորդ տարուան համեմատ նուազած է 10.8%-ով (69,5 հազար մարդ):
Սոնա Յարութիւնեան նշած է, որ կը շարունակէ բարձր մնալ գործազուրկ կանանց թիւը՝ կազմելով գործազուրկներու թիւի 72,9%-ը կամ 45,7 հազ. մարդ: «Երիտասարդները գործազուրկներու 21,2%-ը կը կազմեն՝ 13,3 հազ. մարդ»,- ըսած է ան: