ՊԱՔՈՒ, «Էյ.Փի.Էյ.».- Դիւանագիտական աղբիւրներու համաձայն՝ Հայաստանի եւ Ատրպէյճանի արտաքին գործոց նախարարներ Էդուարդ Նալբանդեանի ու Էլմար Մամետեարովի միջեւ  յաջորդ հանդիպումը տեղի պիտի ունենայ Փարիզի մէջ, միջնորդութեամբ ԵԱՀԿի Մինսկի խմբակի համանախագահներու եւ Ֆրանսայի արտաքին գործոց նախարար Լորան Ֆապիւսի:

Աշխատանք կը տարուի նշեալ հանդիպումը իրականացնելու Նոյեմբերին, իսկ հանդիպման օրակարգը տակաւին չէ վերջնականացած, սակայն, վստահաբար, ընթացքին Արցախի տագնապի քննարկում տեղի պիտի ունենայ: