ԱՐՄԷՆՓՐԷՍ: Ամստերտամի մէջ Դեկտեմբեր 1-ին կայանալիք «Մանկական Եւրատեսիլ 2012» երգի մրցոյթի հայաստանեան եզրափակիչ փուլին յաղթած Compass band խումբը կը ներկայացնէ Հայաստանը՝ չնայած խումբի ամենակրտսեր անդամի տարիքը կեղծելու մասին լուրերուն:

Համաձայն կանոնադրութեան՝ մրցոյթին իրաւունք ունին մասնակցելու 10-15 տարեկան երեխաներ: Մրցոյթի հայաստանեան նախընտրական փուլին հայտ ներկայացուցած Compass band-ը բաղկացած է 4 հոգիէ՝ 13 տարեկան Դաւիթ Պարոնիկեանը, 13 տարեկան Արշաւիր Գրիգորեանը, 13 տարեկան Արամ Ծատուրեանը եւ 13 տարեկան Աբրահամ Ազնաւուրեանը: Ինչպէս «Արմէնփրէս»-ին տեղեկացուց «Եւրատեսիլ»-ի հայաստանեան նախագիծի պատասխանատու Գոհար Գասպարեանը՝ մրցոյթի եզրափակիչ փուլին, Compass band-ի արտադրիչ Զառա Պետրոսեանի նախաձեռնութեամբ, խումբի ելոյթի բեմականացման համար որպէս խումբի կազմի անդամ  ելոյթ ունեցաւ Միքայէլ Վարոսեանը, որու 10 տարին, ինչպէս յայտնի եղաւ, կը լրանայ 2013 թուականի Յուլիս ամսուն:
«Նկատի ունենալով, որ ինչպէս մեծերի, այնպէս էլ փոքրերի Եւրատեսիլի ներպետական  նախընտրական փուլերում հանդիպում են տարիքային եւ այլ անհամապատասխանութիւններ, խնդրի մասին տեղեկացրել ենք Մանկական Եւրատեսիլի ղեկավար Սիտցէ Բեքերին»,- նշեց նախագիծի պատասխանատուն: Ըստ անոր փոխանցած տեղեկութիւններուն՝ Բեքերը նշեց,  հայաստանեան եզրափակիչ փուլի յաղթող Compass band-ի հիմնական կազմը իր Sweetie baby  երգով կը  համապատասխանէ մրցոյթի կանոններուն եւ կարող է մասնակցիլ Ամստերտամի մէջ տեղի ունենալիք «Մանկական Եւրատեսիլ 2012»-ի երգի մրցոյթին: