«Հայաստան» համահայկական հիմնադրամը «Ֆրանսայի հայ բժիշկների միութեան» հետ ակնաբուժական ծրագիր իրականացուց Շիրակի մարզի Աշոցքի շրջանի 21 գիւղական համայնքներու մէջ:

Ծրագիրի ծիրէն ներս Օգոստոս 12-էն 17-ը քննուեցան տեսողական խանգարում ունեցող նախադպրոցական եւ դպրոցական տարիքի 262 երեխայ: «Ֆրանսայի հայ բժիշկների միութեան» տրամադրած ժամանակակից սարքաւորումներու միջոցով կատարուած է ախտորոշում, եւ տրամադրուած են համապատասխան ակնոցներ:
Քննութենէ անցած երեխաներու ծնողները գոհունակութեամբ խօսեցան նախաձեռնութեան կարեւորութեան մասին: «Առանց գիւղից դուրս գալու կարողացանք հասկանալ մեր երեխաների վիճակը եւ նրանց համար ակնոցներ ձեռք բերել», -ըսաւ բնակիչներէն մէկը:
Ակնաբուժական ծրագրէն անմասն չեն մնացած նաեւ համայնքներու տարեցները: Գիւղերու բուժքոյրերու նախապէս կատարած հետազօտութիւններու արդիւնքով՝ 60-էն բարձր տարիք ունեցող 861 բնակիչ ստացած է ակնոց: