2012-ի Յունուար-Մարտ ամիսներուն Հայաստանի Հանրապետութիւն ժամանած է 104.374 զբօսաշրջիկ, որ 9%-ով պակաս է 2011-ի նոյն ժամանակաշրջանի համեմատ։ Այս ցուցանիշները այսօր հրաւիրուած մամուլի ասուլիսին ժամանակ ներկայացուց ՀՀ տնտեսութեան նախարար Տիգրան Դաւթեան:

«Ներգնայ զբօսաշրջային այցելութիւնների քանակի նուազումը հիմնականում պայմանաւորուած է Իրանից այցելութիւնների նուազմամբ: Դա իր հերթին պայմանաւորուած է Իրանից արտագնա զբօսաշրջութեան կտրուկ նուազմամբ»,- ըսաւ ան:
Նշենք, որ նոյն ժամանակաշրջանին զբօսաշրջութեան նպատակով հանրապետութենէն մեկնած է 120.050 մարդ, այսինքն 1.95%-ով աւելի, քան 2011-ի Յունուար-Մարտ ամիսներուն:
2012 Յունուար-Յունիս ամիսներուն վերաբերող զբօսաշրջութեան վիճակագրական տուեալները պիտի հրապարակուին Յուլիսի վերջը:
«Կարծում եմ, որ կÿունենանք դրական ցուցանիշներ եւ դրական դինամիկան ու բարձր աճի տեմպերը կը պահպանուեն: Սրան կը նպաստեն նաեւ Երեւանի եւ Ստեփանակերտի օդանաւակայնների գործարկումը: Այսինքն, մենք կ'ունենանք երկու ժամանակակից օդանաւակայաններ: Տուրիզմի զարգացմանը կը  նպաստեն նաեւ հիւրանոցային որոշ համալիներներ, որոնք ընթացքի մէջ են եւ կառուցուելուց յետոյ կը շահագործուեն»,- ըսաւ նախարարը:
Ան նաեւ աւելցուց, որ յառաջիկային Հայաստանի մէջ ներկայացուած պիտի ըլլայ շուրջ հինգ հիւրանոցային մակնիշ, որոնք լուրջ երաշխիքներ են զբօսաշրջութեան զարգացման համար: