Հայաստանի սպառողներու ազգային ընկերակցութեան նախագահ Մելիդա Յակոբեան, երէկ լրագրողներու հետ հանդիպման ընթացքին վկայակոչելով կազմակերպութեան իրականացուցած ուսումնասիրութիւնը, ըսաւ, որ փաստը ցոյց կու տայ, որ մեր ազգաբնակչութեան 70-75%-ը երբեք հանգստանալու չ'երթար:

«Համաձայնէք, որ սոցիալ-տնտեսական պայմաններն աւելի ծանր են, քան մի քանի տարի առաջ էր: Ո՞վ է օգտւում արտաքին, կամ թէկուզ ներքին զբօսաշրջութիւնից: Ո՞վ է Ծաղկաձորում, Սեւանում կամ Ջերմուկում հանգստանում, այնպիսի թուեր են կրակում, որ խելքին մօտ չէ»,- ըսաւ ան եւ յիշեցուց, որ Հայաստանի մէջ նուազագոյն աշխատավարձը 32.500 դրամ է, իսկ միջինը՝ 60-70.000:
Հայաստանի սպառողներու ազգային ընկերակցութեան նախագահը կը խոստովանի, որ 21 տարի է, որ ինքը եւս չէ մեկնած հանգստանալու. «Ես գերյոգնած եմ, բայց հնարաւորութիւն չունեմ գնալու, ոչ էլ ժամանակ ունեմ: Հիմա ասէք՝ Հայաստանի քաղաքացիս իրաւունք ունե՞մ տարին մէկ անգամ գնալ հանգստանալու»,- հարցուց ան:
Մելիդա Յակոբեանի խօսքով՝  Հայաստանի ներքին զբօսաշրջութիւնը գոնէ պէտք է մատչելի ըլլայ հայերուն համար: Ըստ անոր, այդ ծառայութիւններէն կրնայ օգտուիլ բնակչութեան, առաւելագոյնը, 20%-ը, եւ միայն 1-2% -ն է, որ կրնայ իրեն թոյլ տալ տարեկան քանի մը անգամ երթալու հանգիստի: Բանախօսին խօսքով՝ 2-5%-ն ալ կը հանգստանայ բարեկամներու եւ ծանօթներու տան մէջ:
Այս բոլորէն Սպառողներու ազգային ընկերակցութեան նախագահը կÿեզրակացնէ, որ ազգաբնակչութեան մօտ առկայ է յոգնածութեան ախտանշաններու համընթացութիւն:
«Ինչո՞ւ են ասում, որ մենք մուննաթով ազգ ենք. յոգնած ազգ ենք, դա գալիս է նրանից, որ ո՛չ նորմալ աշխատավարձ ենք ստանում, ո՛չ նորմալ աշխատանք ենք գտնում, եւ ո՛չ էլ, բնականաբար, նորմալ հանգստանում: Մարդու այդ վարքագծից կարող էք հասկանալ՝  չհանգստանալը ազդո՞ւմ է, թէ‘ ոչ», ըսաւ Մելիդա Յակոբեան: