ԵՐԵՒԱՆ, «Արմէնփրէս».- «Հացը Լեռներում» տօնածիսական ուտեստեղէններու փառատօնը  համախմբեց հայկական 13  տօները: Փառատօնը տեղի ունեցաւ 12 Յունիսին Էրեբունի արգելոց-թանգարանի յարակից տարածքին մէջ:

«Փառատօնը քայլ է հայկական ինքնութիւնը պահպանելու համար նաեւ խոհանոցի միջոցով, այն գրաւում է նաեւ արտասահմանցի զբօսաշրջիկներին», ըսած է «Հայ խոհարարակական աւանդոյթների զարգացման ու պահպանման» հասարակական կազմակերպութեան նախագահ Սեդրակ Մամուլեան: 20 տաղաւարներու մէջ  տարբեր կրթական հաստատութիւններ եւ ճաշարաններ ներկայացուցին  հայկական 13 տօներու  (Ամանոր, Սուրբ Սարգիս, Բարեկենդան, Ծաղկազարդ, Նաւասարդ, Զատիկ, Վարդիվառ, Սուրբ ծնունդ-Ջրօրհնէք, Տեառնընդառաջ, Համբարձում, Խաչվերաց, Մեծ պահք, Խաղողօրհնէք) խորհըր- դանշական ուտեստները:

«Փառատօնի անուանումը կապուած չէ միայն հացի հետ, այլ հայերի շրջանում տարածուած «հաց ուտել» ընդհանրական գաղափարի», նշած է Մամուլեանը:  «Հացը լեռներում» փառատօնին ներկայացուած են նաեւ  յոյներու եւ ուքրանացիներու տաղաւարները՝ իրենց ազգային ուտելիքներով։
Պարային եւ երաժշտական ելոյթները ամբողջ փառատօնին ընթացքին ոգեւորեցին մթնոլորտը եւ հայկական շունչ փոխանցեցին։ «Հացը լեռներում» փառատօնը տեղի կ՛ունենայ 4րդ անգամ ըլլալով եւ անոր կազմակերպման կ՛աջակցին Երեւանի քաղաքապետարանն ու սեփական կազմակերպութիւններ: