PanARMENIAN.Net - Մայիս 17-ին Հայաստանեայց Առաքելական Սուրբ Եկեղեցին նշեց Յիսուս Քրիստոսի համբարձման տօնը: Այս առիթով Մայր Աթոռ Սուրբ Էջմիածնին մէջ ամենայն հայոց Կաթողիկոսի Գարեգին Բ-ը մատուցեց սուրբ պատարագ:

Պատարագի արարողութեան մասնակցեցան հայաստանեան թեմերու առաջնորդները, Մայր Աթոռի միաբանները, Մեծի Տանն Կիլիկիոյ Կաթողիկոսութեան միաբան Տ. Կոմիտաս արքեպիսկոպոս Օհանեանը, Իտալիայի հայ համայնքէն ներկայացուցիչներ եւ ուխտաւորներ: Այս մասին կը հաղորդեն Մայր Աթոռի տեղեկատուական համակարգէն։
Համբարձման տօնին կը նշուի նաեւ Հայոց Հայրապետական Աթոռի 1441 թ. Սիսէն Ս. Էջմիածին փոխադրութեան յիշատակը: Այս առիթով սուրբ պատարագի աւարտին ամենայն հայոց Կաթողիկոսի նախագահութեամբ կատարուեցաւ հայրապետական մաղթանք: