Համաձայն Լեռնային Ղարաբաղի Հանրապետութեան բանակի տուեալներուն, անցեալ շաբթուան ընթացքին ղարաբաղեան-ատրպէյճանական հակամարտ զօրքերու սահմանին, հակառակորդին կողմէ հրադադարը խախտուած է շուրջ 300 անգամ:
Այս ժամանակաշրջանին ընթացքին՝ տարբեր տրամաչափի հրաձգային զինատեսակներէ հայ դիրքապահներուն ուղղութեամբ արձակուած է աւելի քան 1600 կրակոց:
Արցախի Հանրապետութեան պաշտպանութեան նախարարութիւնը կը հաղորդէ, որ բանակի յառաջապահ զօրամասերը յատկապէս ձեռնպահ մնացած են պատասխան գործողութիւններէն եւ մարտագիծի ամբողջ երկարութեամբ վստահօրէն իրականացուցած են մարտական հերթապահութիւն: