ԼՂՀ իր օդակայանը գործածելու համար չէ դիմած Միջպետական Թռիչքներու Կոմիտէին
Ատրպէյճանական լրատուամիջոցներուն մէջ տարածուած տեղեկութիւնները, թէ՝ ԱՊՀ Միջպետական թռիչքներու կոմիտէն Ստեփանակերտի օդակայանին հաւաստագիր պիտի չտայ՝ իրականութեան չի համապատասխաներ,
քանի որ ԼՂՀ քաղաքացիական թռիչքներու գլխաւոր վարչութիւնը հաւաստագիր ստանալու համար Միջպետական թռիչքներու կոմիտէ չէ դիմած արդէն: Այս մասին յայտարարեց ԼՂՀ Քաղաքացիական թռիչքներու գլխաւոր վարչութեան պետ Տմիթրի Ատբաշեան:
«Մենք նման հարց չենք բարձրացրել: Թէ ինչպիսի՞ն կը լինի ԱՊՀ Միջպետական աւիացիոն կոմիտէի պատասխանը՝ յայտնի չէ: Այդ հարցը կը բարձրացուի այն ժամանակ, երբ մենք համոզուենք, որ մեր օդանաւակայանը համապատասխանում է ինչ-որ չափանիշների», նշեց Ատբաշեան:
Անոր խօսքով, Ստեփանակերտի օդակայանը կրնայ գործել նաեւ առանց ԱՊՀ Միջպետական թռիչքներու կոմիտէին տրամադրած հաւաստագիրին:
Ինչ կը վերաբերի Ատրպէյճանի քաղաքացիական թռիչքներու պետական վարչակազմի տնօրէն Արիֆ Մամետովի յայտարարութեան, թէ՝ ուժի մէջ է Ստեփանակերտ թռչող օդանաւերը ոչնչացնելու մասին Ատրպէյճանի վերջերս ըրած յայտարարութիւնը եւ թէ այդ իրաւունքը նախատեսւած է Ատրպէյճանի «Թռիչքներու մասին» օրէնքով՝ Ատբաշեան յայտնեց, որ անկախ այդ օրէնքէն, Ատրպէյճան Քաղաքացիական թռիչքներու միջազգային կազմակերպութեան անդամ է, հետեւաբար, ստորագրած է համաձայնագիրը, ըստ որուն, նշեալ կազմակերպութեան բոլոր անդամ երկիրները պարտաւոր են ոչ մէկ պարագայի սպառնալիք հանդիսանալ քաղաքացիական թռիչքներու օդանաւերու ուղեւորներու կեանքին:
Անոնք կրնան պարտադրել օդանաւին վայրէջք կատարել, բայց իրաւունք չունին հարուածել ուղեւորատար օդանաւը:
Ատբաշեան նաեւ կարծիք յայտնեց, որ քաղաքակիրթ երկիրի մէջ միջազգային օրէնքը վեր է ներպետական օրէնսդրութենէն. «Եթէ Ատրպէյճանում այլ կերպ են մտածում՝ դա իրենց խնդիրն է: Իր յայտարարութիւններով, Մամետով հերթական անգամ ցոյց է տալիս, թէ ո՞ւմ հետ գործ ունենք: Եթէ պաշտօնական Պաքուն չի ճանաչում իր կողմից ստորագրուած միջազգային համաձայնագիրը, ապա այդ երկրին պէտք է հեռացնել Քաղաքացիական աւիացիայի միջազգային կազմակերպութիւնից», ըսած է Ատբաշեան:
Նշենք, որ ատրպեճանական լրատուամիջոցները տեղեկութիւններ կը տարածեն այն մասին, թէ ԱՊՀ միջպետական թռիչքներու կոմիտէն Ստեփանակերտի օդակայանին հաւաստագիր պիտի չտայ:
Ատրպէյճանի քաղաքացիական թռիչքներու պետական վարչակազմի տնօրէն Արիֆ Մամետով ըսած է, որ այդ հարցը քննարկուած է ԱՊՀ միջպետական թռիչքներու կոմիտէի նախագահին այս տարի Պաքու կատարած այցելութեան ընթացքին, երբ հիւրը, իբրեւ թէ, ըսած է, որ առանց Ատրպէյճանի համաձայնութեան, կոմիտէն հաւաստագիր պիտի չտայ Ստեփանակերտի օդակայանին, նոյնիսկ եթէ այդ հարցով դիմում կատարէ Հայաստանը:
Ստեփանակերտի օդանաւակայանի վերագործակումը պայմանաւորուած չէ ատրպէյճանական սպառնալիքներով
Ստեփանակերտի օդանաւակայանի վերագործարկման յետաձգումը պայմանաւորուած չէ ատրպէյճանական կողմի սպառնալիքներով: Պատճառը միայն տեխնիկական է: Այս մասին յայտարարեց Լեռնային Ղարաբաղի նախագահ Բակօ Սահակեանը:
Ըստ ատրպէյճանական մամուլին մէջ տեղ գտած հրապարակումներուն, քաղաքացիական օդանաւոր- դութեան ատրպէյճանական պետական վարչակազմի տնօրէն Արիֆ Մամեդովը յայտարարեց, որ ԱՊՀ երկիրներու միջպետական օդանաւորդութեան կոմիտէն վկայական չէ շնորհած Ստեփանակերտի օդանաւակայանին: Ղարաբաղի մէջ, սակայն, շտապ աշխատանքներ կը տարուին իր աւարտին հասցնելու համար օդանաւակայանի շինարարական աշխատանքները,‘առանց որեւէ կարեւորութիւն տալու Ատրպէյճանի սպառնալիքներուն:
«Այս պահի դրութեամբ մենք իրականացնում ենք լրացուցիչ աշխատանքներ թէ՛ վազքուղու հետ կապուած, թէ՛ լրացուցիչ սարքաւորումների ձեռքբերման, տեղադըրման հետ կապուած, քանի որ չենք թաքցնում, որ ուզում ենք այդ օդանաւակայանը եւ այդ թռիչքները իրականացուեն միջազգային չափանիշներին համապատասխան, հետեւաբար‘ ընդգծուած պատասխանատուութեամբ ենք մօտենում այդ աշխատանքների իրականացմանը», - ըսած է Բակօ Սահակեանը:
ԼՂ նախագահի խօսքով, արհեստա-գիտական հարցերը լուծելուն պէս պիտի սկսին Ստեփանակերտի օդանաւակայանէն թռիչքները: Բակօ Սահակեանը, սակայն, նշեց, որ առայժմ կարելի չէ օդանաւակայանի բացման յստակ թուական ճշդել:
«Կÿուզենայի նշել, որ խօսքը գնում է ոչ թէ միջազգային թռիչքների մասին, այլ Ստեփանակերտ- Երեւան, Երեւան - Ստեփանակերտ թռիչքների մասին: Յոյս ունենք, որ ապագայում մենք կիրականացնենք նաեւ միջազգային թռիչքներ», - ըսած է Լեռնային Ղարաբաղի նախագահը:
Ամիսներ առաջ յայտարարուած էր, որ Ստեփանակերտի օդանաւակայանը պիտի բացուէր այս տարուայ Մայիս 9-ին:
Ստեփանակերտի օդանաւակայանի բացման լուրը բուռն հակազդեցութեան եւ արձագանգի արժանացած էր Ատրպէյճանի կողմէ: Ատրպէյճանի քաղաքացիական օդանաւորդութեան պետական վարչութեան ղեկավարը յայտարարած էր, թէ պաշտօնական Պաքուն իրաւասու է ոչնչացնել Ստեփանակերտի օդանաւակայանին մէջ վայրէջք կատարող ինքնաթիռները: Ապրիլի կիսուն յայտնի դարձաւ, որ Ստեփանակերտի օդանաւակայանի բացումը անորոշ ժամկէտով յետաձգուած է: