PanARMENIAN.Net - Յուլիս 7-ին Երեւանի պետական բժշկական համալսարանին մէջ բացուեցաւ Բժիշկներու երրորդ միջազգային համագումարը:

Ինչպէս յայտարարեց միջոցառման ընթացքին համագումարի նախագահ Դերենիկ Դումանեանը, միջոցառման կը մասնակցին աւելի քան 600 բժիշկներ Հայաստանէն, Արցախէն, ինչպէս նաեւ աշխարհի այլ երկիրներէն: Ըստ անոր խօսքերուն, անոնցմէ միայն 250-ը հայկական սփիւռքի ներկայացուցիչներ են: «Պէտք է նշել, որ առաջին անգամ մեր համագումարին մասնակցում է բժիշկների պատուիրակութիւն Ռուսաստանից»,- ըսաւ ան: Միաժամանակ Դումանեանը նշեց նման միջոցառումներուն երիտասարդ բժիշկների մասնակցութիւնը: Ան հաղորդեց, որ միջոցառման կը մասնակցին 24 երիտասարդ բժիշկներ աշխարհի տարբեր երկիրներէ:
Դումանեանը նաեւ հաղորդեց, որ Յուլիս 7-9  համագումարին ծիրէն ներս պիտի  ներկայացուին 179 գիտական զեկոյցներ, որոնք կը ներառնեն իրենց մէջ առողջապահութեան աւելի քան 20 ոլորտներ:
Միաժամանակ Դումանեանը նշեց, որ այդ համագումարը իւրայատուկ է, քանի որ տեղի կÿունենայ Հայաստանի Հանրապետութեան անկախութեան հռչակման 20-ամեակի ծիրէն ներս:
Իր հերթին Armenian International Medical Committee նախագահ, տոքթոր Աւետիս Պօղոսեանը նշեց, որ միջոցառման գլխաւոր նպատակը Հայաստանի, Արցախի եւ Սփիւռքի բժիշկներու միջեւ աշխուժ համագործակցութիւնն է: Միաժամանակ ան նշեց, որ առողջապահութեան ոլորտը ինչպէս Հայաստանի մէջ, այնպէս ալ Արցախի մէջ բաւական բարձր մակարդակի կը հասնի:
Համագումարի վերջին օրը պիտի քննարկուին Հայաստան-Լեռնային Ղարաբաղ-սփիւռք համատեղ ծրագրերը: