Հայաստանէն Սուրիոյ ժողովուրդին ուղղուած մարդասիրական օգնութեան առաջին օդանաւը հասած է Լաթաքիայի Հըմէյմի ռուսական ռազմակայանը: Այս մասին կը հաղորդէ Հալէպի «Գանձասար» շաբաթաթերթը: Հոկտեմբեր 3ին Իլ-76 օդանաւով Լաթաքիա տե
ղափոխուած է 20 թոն մարդասիրական օգնութեան առաջին մասը:
Օդանաւով բերուած պարենամթերքը փոխանցուած է Լաթաքիա ժամանած՝ Հալէպի մէջ Հ.Հ. գլխաւոր հիւպատոս Տիգրան Գէորգեանին, որ պիտի կատարէ պարենամթերքի բաշխման համապատասխան կարգադրութիւնները: Խումբին կ’ուղեկցի նաեւ Հ.Հ. սփիւռքի նախարարութեան Մերձաւոր եւ Միջին Արեւելքի վարչութեան պատասխանատու Լեւոն Անտոնեան։