Չի բա­ցա­ռո­ւիր, որ Թուր­քիա փոր­ձէ Հա­յաս­տա­նի մի­ջո­ցով Ռու­սիոյ պա­տաս­խան տալ,- «Եր­կիր»ի հետ զրոյ­ցի մը ըն­թաց­քին նշեց Հ.Յ.Դ. Բիւ­րո­յի ան­դամ, Հ.Յ.Դ. Բիւ­րո­յի Հայ Դա­տի եւ քա­ղա­քա­կան հար­ցե­րու գրա­սե­նեա­կի պա­տաս­խա­նա­տու Կի­րօ Մա­նո­յեան: «­Կա­րե­լի է ը­սած են՝ քիչ մը ա­ւե­լի շի­կա­ցու­ցէք մթնո­լոր­տը,

բայց չեմ կար­ծեր, թէ միայն այդ է պատ­ճա­ռը, որ Ատր­պէյ­ճան այս քայ­լե­րուն եր­թայ: Ատր­պէյ­ճան միշտ ալ բարձ­րաս­տի­ճան հան­դի­պում­նե­րէ ա­ռաջ կը փոր­ձէ այս­պի­սի մթնո­լորտ ստեղ­ծել: Այ­սինքն՝ երբ բան մը կ­՛ակն­կա­լէ, միշտ ալ այդ­պէս կը վա­րո­ւին: Կը կար­ծեմ՝ այս բո­լո­րին հե­տե­ւան­քով ստեղ­ծո­ւած է այն մթնո­լոր­տը, որ իս­կա­պէս վտան­գա­ւոր է՝ հե­տե­ւանք­նե­րը կրնան ան­կան­խա­տե­սե­լի ըլ­լալ: Յա­ճախ ը­սած եմ, որ Ատր­պէյ­ճան պա­տե­րազմ չ­՚ու­զեր, ո­րով­հե­տեւ ա­ռանց պա­տե­րազ­մի ալ սկսած է տու­ժել տնտե­սա­պէս, բայց ա­տի­կա չի նշա­նա­կեր, որ ա­նոր ը­րած­նե­րը վտան­գա­ւոր չեն. ա­նոր ը­րած­նե­րը կրնան պա­տե­րազ­մի վե­րա­ծո­ւիլ»,- ը­սաւ Մա­նո­յեան:

Ա­նոր կար­ծի­քով` ե­թէ Ատր­պէյ­ճան պա­տե­րազմ ու­զէր, ար­դէն կը սկսէր: «Ա­մէն ան­գամ հզօր հրե­տա­նի չէին օգ­տա­գոր­ծեր, որ տես­նէին` դի­մա­ցի­նը ի՛նչ կ­՛ը­նէ եւ այլն: Շատ ան­հանգս­տու­թիւն կայ այն նիւ­թե­րէն, այն տե­սա­նիւ­թե­րէն, ո­րոնք հրա­պա­րա­կո­ւած են: Բայց ա­նոնք վստահ չեն՝ ի՛նչ կ­՛ըլ­լայ ել­քը, այդ պատ­ճա­ռով ալ պա­տե­րազմ չեն ու­զեր: Ատր­պէյ­ճան չի կար­ծեր, որ մենք ներք­նա­պէս այն­քան պա­ռակ­տո­ւած ենք, որ կրնայ սահ­մա­նին վրայ խա­ղեր ը­նել՝ հան­րա­քո­ւէին հետ կա­պո­ւած: Կը կար­ծեմ, որ մենք ու­նինք այն քա­ղա­քա­կան հա­սու­նու­թիւ­նը, որ նման բան թոյլ չտանք»,- ը­սաւ Մա­նո­յեան:

Ա­նոր խօս­քով` Մինս­քի Խմ­բա­կի վեր­ջին յայ­տա­րա­րու­թեան, որ անհ­րա­ժեշտ է զի­նա­դա­դա­րի խախ­տում­նե­րը վերս­տու­գող մե­քա­նիզմ ստեղ­ծել, պարզ է` Ատր­պէյ­ճան դէմ է, իսկ Հա­յաս­տա­նը` կողմ: «­Պար­զա­պէս լաւ կ­՛ըլ­լայ, որ ա­ւե­լի յստակ խօ­սին: Բայց կը կար­ծեմ, որ ա­ւե­լի յստակ քայ­լե­րու պէտք է դի­մել, որ­պէս­զի Ատր­պէյ­ճան հասկ­նայ: Օ­րի­նակ` Ղա­րա­բա­ղի ժո­ղո­վուր­դին, Ղա­րա­բա­ղի իշ­խա­նու­թիւն­նե­րուն ինչ որ չա­փով, ինչ որ ձե­ւով ճանչ­նա­լու նա­խան­շան­ներ ցոյց տանք, որ­պէս­զի Ատր­պէյ­ճան հասկ­նայ, թէ չի կրնար այս­պէս, այս սահ­մա­նը ու­նի, որ­մէ այն կողմ չի կրնար անց­նիլ: Կա­րե­ւոր է, որ Մինս­քի Խմ­բա­կը ճիշդ գնա­հա­տա­կան­ներ տայ, բայց կը կար­ծեմ, որ այլ քայ­լե­րու ալ պէտք է դի­մել, որ­պէս­զի Ատր­պէյ­ճան հասկ­նայ»,- ը­սաւ Մա­նո­յեան: