Հ.Մ.Ը.Մ.ի նո­րըն­տիր Կեդ­րո­նա­կան Վար­չու­թիւ­նը 8 Դեկ­տեմ­բեր 2015ին Ե­րե­ւա­նի մէջ հան­դի­պում­ներ ու­նե­ցաւ Ա­մե­նայն Հա­յոց Գա­րե­գին Բ. Կա­թո­ղի­կո­սի, Հա­յաս­տա­նի Հան­րա­պե­տու­թեան պաշտ­պա­նու­թեան նա­խա­րար Սէյ­րան Օ­հա­նեա­նի եւ Հա­յաս­տա­նի Ո­ղիմ­պիա­կան Կո­մի­տէի նա­խա­գահ Գա­գիկ Ծա­ռու­կեա­նի հետ: Էջ­միա­ծի­նի մէջ Գա­րե­գին Բ. Կա­թո­ղի­կոս ըն­դու­նեց Հ.Մ.Ը.Մ.ի նո­րըն­տիր Կեդ­րո­նա­կան Վար­չու­թեան կազ­մը, որ այս օ­րե­րուն Ե­րե­ւա­նի մէջ կը գու­մա­րէ իր Ա. լիա­գու­մար նիս­տե­րը:

Կեդ­րո­նա­կան Վար­չու­թեան ա­տե­նա­պետ Գառ­նիկ Մկր­տի­չեան ներ­կա­յա­ցուց կազ­մի ան­դամ­նե­րը, փո­խան­ցեց քա­ռա­մեայ գոր­ծու­նէու­թեան ծրա­գիր­նե­րը եւ շեշ­տը դրաւ Հ.Մ.Ը.Մ.-ե­կե­ղե­ցի ան­քակ­տե­լի կա­պին վրայ:

Իր կար­գին, Վե­հա­փառ Հայ­րը իր գնա­հա­տան­քը յայտ­նեց հո­գե­ւոր եւ հա­յա­պահ­պան­ման ա­ռում­նե­րով Հ.Մ.Ը.Մ.ի ի գործ դրած աշ­խա­տանք­նե­րուն` նշե­լով, որ թե­մա­կան ա­ռաջ­նորդ­նե­րուն ճամ­բով կը հե­տե­ւի գոր­ծու­նէու­թեան եւ թե­լադ­րած է միշտ օ­ժան­դա­կել միու­թեան տար­բեր ծրա­գիր­նե­րուն: Գա­րե­գին Բ. Կա­թո­ղի­կոս հաս­տա­տեց, որ մար­զա­կան եւ սկաու­տա­կան աշ­խա­տանք­նե­րուն ճամ­բով սփիւռ­քա­հայ պա­տա­նին ու ե­րի­տա­սար­դը հայ պա­հե­լու ա­ռա­քե­լու­թիւ­նը նո­ւի­րա­կան է. այս ա­ռի­թով ան իր քա­ջա­լե­րանքն ու օրհ­նու­թիւ­նը փո­խան­ցեց նո­րըն­տիր Կեդ­րո­նա­կան Վար­չու­թեան: Գառ­նիկ Մկր­տի­չեան Վե­հա­փառ Հօր տե­ղե­կա­ցուց 2018ին Հա­յաս­տա­նի մէջ տե­ղի ու­նե­նա­լիք միու­թեան 100ա­մեա­կի հան­դի­սա­ւոր տօ­նա­կա­տա­րու­թեան մա­սին: