Սեպ­տեմ­բեր 1ին մա­հա­ցած է նշա­նա­ւոր պե­տա­կան եւ ռազ­մա­կան գոր­ծիչ, Հա­յոց բա­նա­կի կա­յաց­ման ա­ռա­ջա­մար­տիկ, զօ­րա­վար գնդա­պետ Գուր­գէն Դա­լի­բալ­թա­յեա­ն: Դա­լի­բալ­թա­յեան ծնած է 1926ի Յու­նիս 5ին, Վ­րաս­տա­նի Նի­նոծ­մին­դա­յի շրջա­նի Մեծ Ա­րա­գեալ գիւ­ղը:

1947-1991 ծա­ռա­յած է Խ.Ս.Հ.Մ. բա­նա­կին մէջ, վա­րե­լով հրա­մա­նա­տա­րա­կան պաշ­տօն­ներ։ Ե­ղած է հայ­կա­կան 89րդ հ­րաձ­գա­յին զօ­րա­բա­ժի­նի 526րդ­ ա­ռան­ձին գուն­դի դա­սա­կի հրա­մա­նա­տար։

1971ին ա­նոր շնոր­հո­ւած է «գե­նե­րալ-մա­յոր»ի զի­նո­ւո­րա­կան կո­չում: Հա­յաս­տա­նի հա­մար բախ­տո­րոշ տա­րի­նե­րուն  Գուր­գէն Դա­լի­բալ­թա­յեան հայ­րե­նի­քի կան­չով ե­կած է Հա­յաս­տան եւ զինուո­րագ­րո­ւած՝ Հա­յաս­տա­նի Հան­րա­պե­տու­թեան ազ­գա­յին բա­նա­կի կազ­մա­ւոր­ման բարդ ու դժո­ւար գոր­ծին: Ան ան­ձամբ ղե­կա­վա­րած է շարք մը մար­տա­կան գոր­ծո­ղու­թիւն­ներ, նե­րա­ռեալ՝ Շու­շիի ա­զա­տագ­րու­թեան ծրա­գիր­նե­րու մշակ­ման աշ­խա­տանք­նե­րը: